tlhIngan-Hol Archive: Thu Jan 11 12:55:03 2007
[Date Prev][Date Next][Thread Prev][Thread Next]
Re: <<-meH>> lo'bogh mu'tlhegh 'ay'mey'e'
- From: Doq <[email protected]>
- Subject: Re: <<-meH>> lo'bogh mu'tlhegh 'ay'mey'e'
- Date: Thu, 11 Jan 2007 15:54:15 -0500
- Domainkey-signature: a=rsa-sha1; q=dns; c=nofws; s=dk20050327; d=earthlink.net; b=nvGrH1vyvHd46K4YqaBVSxPrPyqkWKeHv/RT58rXkWcJLC5jJTuycnH1pOLxmGJr; h=Received:Mime-Version:In-Reply-To:References:Content-Type:Message-Id:Content-Transfer-Encoding:From:Subject:Date:To:X-Mailer:X-ELNK-Trace:X-Originating-IP;
- In-reply-to: <[email protected]>
- References: <[email protected]>
cha'logh mu' <<lab>> vIlo' 'e' vIHechDI', mu' <<lob>> vIlo'pu'.
HIvqa' veqlargh!
Doq
On Jan 11, 2007, at 3:41 PM, Doq wrote:
> jIqawchu'chugh, Okrand chovnatlh'a' mey pojlu'DI', wot DelDI'
> ngoQmu'tlheghHom, reH moHaq ghaj <<-meH>> ngaSbogh wot'e', 'ach DIp
> DelDI' ngoQmu'tlheghHom, not moHaq ghaj <<-meH>> ngaSbogh wot'e'.
>
> chovnatlhmey vIchup:
>
> 1. jIQummeH QInvam vIlob. (jIQum vIneHmo', QInvam vIlob. wot Del, vaj
> moHaq vIlo'.)
>
> 2. QummeH QIn vIlob. (QIn le' vIlob. QummeH Qu' 'oH QInvam Qu''e'.
> DIp Del, vaj moHaq vIlo'be'.)
>
> latlh chut rur chutvam:
>
> 1. jItIn. (wot 'oH mu' <<tIn>> vaj moHaq vIlo'.)
>
> 2. 'etlh tIn vIghaj. (DIp Del mu' <<tIn>>, vaj moHaq vIlo'be'.)
>
> mu'tlhegh naQ 'oHlaH wot. mu' neH 'oH DIp. tlhIngan Hol qellu'DI',
> wot potlh law' DIp potlh puS. DIp DaDelDI', ngajnIS DelwI'. Hol poD
> yIlo'. moHaq yIlo'Qo'. wot DaDelDI', mu'tlhegh naQ DaDel. moHaq yIlo'.
>
> pIj DIp vIDel vIneHDI', ngoQmu'tlheHHom naQ vIlo' vIneH, ngeDmo' 'ej
> vIyajlaHmo', 'ach ghaytan chovnatlh'a'mey DIHutlhmo' qab mu'tlheghvam.
>
> qab chovnatlh: qaja'meH QIn vIlab (qaja' vIneH, 'ej Qu'vam 'oH QInvam
> Qu''e'. DIp vIDel vIneH.)
>
> meqwIj DaleghlaH'a'?
>
> ghaytan, <<qaja'meH QIn qalab>> laDlu'DI', mu'tlhegh <<QIn vIlab>>
> Del <<qaja'meH>> net pIH.
>
> mu' <<QIn>> vIDel vIneHchugh, latlh mIw vIpoQ. ghaytan cha' mu'tlhegh
> vIpoQ.
>
> qaja' vIneHmo' QIn le' vIghItlhta'. QInvam qalab.
>
> pabpo' jIHbe'. vuD neH 'oH QInvam. qam vuDvam pagh pum. jISaHbe'.
> pumchugh, vIHubQo'.
>
> pItlh.
>
> Doq
>
>