tlhIngan-Hol Archive: Sun Dec 23 14:36:29 2007

Back to archive top level

To this year's listing



[Date Prev][Date Next][Thread Prev][Thread Next]

Re: potlh nuq?

Doq (doq@embarqmail.com)



tlhIngan Hol laHwIj Datobbej. [sigh.]

On Dec 23, 2007, at 4:46 PM, Alan Anderson wrote:

> ja' Doq:
>
>> wej tel ghaj.
>>
>> 'etDaq 'eS wa' tel. botlhDaq 'oH tel cha'DIch. 'o'Daq jen tel  
>> wejDIch.
>> Hoch telvaD 'o'Daq lIch muD patlh. 'eSchoH muD patlhmey, vaj tel
>> cha'DIch nISbe' tel wa'DIch muD patlh, 'ej tel wejDIch muD patlh
>> nISbe' tel cha'DIch muD patlh.
>
> telmey DaDelchu'.  'ach SengHey Daqelbogh vIyajbe'.  chay' wej telmey
> QaQ law' wa' tel QaQ puS?

nIn 'Iq natlh wa' tel. Qatlhbej meq vIDelmeH Qu', 'ach jInIDqang.

Duj motlhvaD potlhqu' tlham botlh. loQ tel 'etDaq tlham botlh tu'lu'.  
vaj SalDI' tel 'ej ghIrDI' tlham botlh, Sal Duj tlhuQ neH Duj tlhuQ.  
tlhuQ ghIrmoHmeH, telHom ghaj tlhuQ.

QIt puvchugh Duj, QobchoH ghu' net Sov. tlhoy nupchugh Do, ghIrlaHbe'  
tel. QaptaHbe' tel, 'ach reH Qapchu' tlham. ghIr Duj. pumchu'be'.  
pumchugh, vaj ghur Do 'ej puvqa'laH, 'ach ghurbe'chugh Do, Do'Ha'  
ghIrtaH. yav ngeQ 'ej meQ.

vaj tor choHnIS 'orwI'. Duj Do ghurmoHmeH yavDaq QeqnIS Duj 'et.  
lujpa' tel, lujchugh telHom, vaj Sal tlhuQ 'ej yavDaq Qeq Duj 'et.  
ghur Do. qay'be'.

'ach Qobbe'DI' ghu' tlham boQ tlhuQ. nIn natlh. Do'Ha'.

latlh Duj chovnatlh tu'lu'. tlhuQ Hutlh. 'etDaq telHom ghaj. 'et  
SalmoH telHomvam. *qanarD* 'oH.

tlhoy nuchugh Do, lujpa' tel, luj telHom. vaj yavDaq Qeq 'et 'ej ghur  
Do. qay'be'.

'ach DujvetlhvaD Qatlhqu' SaqmeH Qu'. reH taHchugh tor, ghurqu' Do.  
SaqmeH nepnIS Do.

muD begh ghaj Duj motlh tel. QIt puvlaH Duj, beghvam lo'taHvIS.  
beghmo' ghIrlaH tel neptaHvIS Do. beghvammo' taHtaHvIS tor ghIrlaH Duj  
'ej ghurbe' Do. QIt vIHmo' Duj, Qapchu'be' telHom, 'ach qay'be'.  
taHchoH tor. qay'be'.

'ach *qanarD*vaD Do'Ha'. QIt puvmo', luj telHom...

jImevnIS. 'uQ.

Doq

> Duj puvmoHmeH tel, DungDaq muD yuvnIS tel 'e' DaQub'a'?  naQbe'
> pojvam.  Qatlh poj naQ, 'ach Duj SalmoHbe' ghIrmoHbogh muD.  ghIr muD
> Salmo' Duj.  quq.  wa' qaSmoHbe' latlh.  muD ghIrtaHghach Duj
> SaltaHghach je qaSmoH wa' wanI' pIm.
>
> wanI'vam luDel ghItlhmey law'.  http://www.av8n.com/how/htm/
> airfoils.html vIparHa'.
>
> -- ghunchu'wI'
>
>






Back to archive top level