tlhIngan-Hol Archive: Tue Dec 18 05:51:37 2007
[Date Prev][Date Next][Thread Prev][Thread Next]
povam wanI' Daj
- From: Doq <[email protected]>
- Subject: povam wanI' Daj
- Date: Tue, 18 Dec 2007 08:50:46 -0500
- Authentication-results: smtp09.embarq.synacor.com [email protected]; spf=neutral
- Authentication-results: smtp09.embarq.synacor.com [email protected]; auth=pass (LOGIN)
- X_cmae_category: 0,0 Undefined,Undefined
yaHwIj vIghoSmeH jIyIttaHvIS, SumDI' 'ul Sorqoq, chuSchoH Sorqoqvam
yor. wab ngaj law' lup ngaj puS. nISwI' rur. Hoch DopwIjDaq pum
qulHey. Sorqoqvamvo' jIHopchoHmeH DopDaq jISup. DungDaq jInej. qay'wI'
vIleghbe'. qay'ba' pagh.
yavDaq vInuD. meQpu'bogh bo'Degh veDtlhuQHa'DIbaHHom vItu' 'e' vIpIH,
'ach pagh vISamlaH. DungDaq jIbejqa'.
Sorqoq yorDaq 'ul choHwI' tu'lu'. bal'a' rur. janvamvo' jeq wej
tlhegh. janvamvo' QutlhHomDaq rar wej tlheghvam. QutlhHomvamvo' Sorqoq
vebDaq rar cha' tlheghvam neH. nuqDaq wejDIch tlhegh tu'lu'? jInejqa'.
cha' Sorqoqvam jojDaq Sorna' tu'lu'. Sorna'vam ro DungDaq roHommey
tu'lu'. roHommey jojDaq tlheghvam wejDIch jaDlu'law'. roHommey latlh
Dopvo' yavDaq tlheghvam lIchlu'law'. qen HeDaq jIyItbogh tlheghvam
tu'lu'. (Yes. I'm cheating on the grammar, but it seems to convey the
meaning well.) qen He vIghoSbogh vIqel. DaH DaqwIj vImaSbej.
jIyev. ghogh HablI'wIj vIchu'. Hut Hut wa' vIrI'. ghu' vIDelmeH vIja'.
yaH vIghoSqa'meH jIyItchoH.
DaH jIvembej.
Doq