tlhIngan-Hol Archive: Fri Aug 31 21:04:44 2007

Back to archive top level

To this year's listing



[Date Prev][Date Next][Thread Prev][Thread Next]

Re: Dilbert Comic in Klingon for August 23, 2007

QeS 'utlh ([email protected])



ghItlhpu' lay'tel SIvten, ja':
>{veD} wIghaj je, vaj chaq {veD lInglu'bogh} lo'lu'.

maQoch. {veD lInglu'bogh} "fur which is produced" ("artificial fur" 'oS 'e' 
DaHech, qar'a'?) 'ej cha' mo' vIghaj.

mo' wa'DIch: chaq lI' {veD}, 'ach "fabric" 'oSchu'be' 'e' vIHar. KGTDaq 
{tlhay} QIjDI' Okrand - ghItlh 'angpu'qu' Voragh - Ha'DIbaH pob neH 'oHba' 
veD, 'ej porgh 'ay' pIm 'oH DIr. ghaytan nIv {veDDIr} 'e' vIHar.

mo' cha'DIch: "artificial" mughlu'meH {lInglu'bogh} vIlajbe'bejQo'. 
ghItlhmeyDajDaq mu' {lIng} lo'lu'DI' Okrand, DIp {lIngwI'}Daq tu'lu' neH, 
'ej "create artificially" neH 'oS net Sovbe'.

KGTDaq (navmey 92 - 94) cha' mu'tlheghHommey Daj lutu'lu': {burgh quD} 
"naturally produced kud" ({Ha'DIbaH burghDaq quD roghmoHlu'pu'bogh}), {'un 
quD} "artificially produced kud" ({vutmeH 'unDaq quD roghmoHlu'pu'bogh}) je. 
chaq mu' "fabric" mughlu'meH HeDonDaq majaHlaH; chaq vaj DIp-DIp 
mu'tlheghHom wIlo'laH. vImughmeH jIH, {laSvargh veDDIr} vIchup.

SKI: I don't like {veD lInglu'bogh} for a couple of reasons. Following an 
interesting natural/artificial contrast in KGT, I suggest {laSvargh veDDIr} 
"factory pelt" as a translation for "fabric" in the DIlbert comic of 
23-08-2007.

QeS 'utlh
tlhIngan Hol yejHaD pab po'wI' / Grammarian of the Klingon Language 
Institute


not nItoj Hemey ngo' juppu' ngo' je
(Old roads and old friends will never deceive you)
     - Ubykh Hol vIttlhegh

_________________________________________________________________
Advertisement: It's simple! Sell your car for just $30 at CarPoint.com.au 
http://a.ninemsn.com.au/b.aspx?URL=http%3A%2F%2Fsecure%2Dau%2Eimrworldwide%2Ecom%2Fcgi%2Dbin%2Fa%2Fci%5F450304%2Fet%5F2%2Fcg%5F801459%2Fpi%5F1004813%2Fai%5F859641&_t=762955845&_r=tig_AUG07&_m=EXT






Back to archive top level