tlhIngan-Hol Archive: Thu Aug 02 14:37:55 2007
[Date Prev][Date Next][Thread Prev][Thread Next]
qep'a' wa'maH loSDIch - Wednesday
mutlhej puqloDwI' 'e' vISovpa', wa' pa' wIDan jIH Seqram je 'e' wInab.
ravDaq Qongqangchu'mo' puqwI' choHnISbe' nab.
paSmo' pawtaHghachwIj, mebpa' beqvaD Seqram pong vInob.
ghaytan ghaH 'eq law' jIH 'eq puS, 'ej pa' DoQ ghaH net chaw'.
tlhoS jIlughbe'.
nunungbej Seqram, 'ach ngaj poH.
pa'Daq wa' QongDaq tIn tu'lu'.
QongDaq mojlaHbogh quS'a' tu'lu' je.
SIbI' quS'a' DoQ puqloDwI'.
Do' tInmo' QongDaq wavlaHchu' cha' nuvpu'.
mebpa'mey vaSDaq ghom qep'a' jeSwI' puS.
maj, SuvwI' Hol wIlo'taHvIS mayajchuqtaH.
majaw. De' wIghoj: CBS/Paramount jabbI'ID lumughta' 'angghal taD je.
(qen jabbI'IDvam tu' naHQun.)
pawlI' latlhpu'.
mInDu'Daj leSpalDu' mach tuQtaH QanqorHey.
'uQ Sopta'be'mo' 'op, Qe' Sumqu' wIyot.
maQuchqu'ba' maH, 'ach berghlaw' jabwI'.
leSpalDu' ngIp ghaH 'ej tuQchoHDI', QuchchoHlaw'.
wa' DIlmeH tetlhDaq nargh Hoch nay'mey.
malaw'mo', jabwI' rup chellu'pu', 'ach tInqu'.
tlhoy tIn jay' -- wejmaH jav vatlhvI' 'oH net SIm.
Qe' beqvaD SengHey cha' vay' 'ej nom Sengna' ngu'lu'.
bong cha'logh rup chelpu' De'wI' lo'bogh vay'.
tagha' lughchoH Hoch 'ej Qe' wImej.
qaS choS. qaS jajlo'. rIn jaj wa'.
-- ghunchu'wI'