tlhIngan-Hol Archive: Thu Aug 02 14:37:55 2007

Back to archive top level

To this year's listing

• Index by Date
• Index by Thread
• Index by Author

qep'a' wa'maH loSDIch - Wednesday

Alan Anderson ([email protected])

• From: Alan Anderson <[email protected]>
• Subject: qep'a' wa'maH loSDIch - Wednesday
• Date: Thu, 2 Aug 2007 17:37:11 -0400
• References: <37826B4D36A89E43834F81F19D438B2B010234D2@USINKOK-EX12.NorthAmerica.DelphiAuto.net>

mutlhej puqloDwI' 'e' vISovpa', wa' pa' wIDan jIH Seqram je 'e' wInab.
ravDaq Qongqangchu'mo' puqwI' choHnISbe' nab.
paSmo' pawtaHghachwIj, mebpa' beqvaD Seqram pong vInob.
ghaytan ghaH 'eq law' jIH 'eq puS, 'ej pa' DoQ ghaH net chaw'.
tlhoS jIlughbe'.
nunungbej Seqram, 'ach ngaj poH.
pa'Daq wa' QongDaq tIn tu'lu'.
QongDaq mojlaHbogh quS'a' tu'lu' je.
SIbI' quS'a' DoQ puqloDwI'.
Do' tInmo' QongDaq wavlaHchu' cha' nuvpu'.

mebpa'mey vaSDaq ghom qep'a' jeSwI' puS.
maj, SuvwI' Hol wIlo'taHvIS mayajchuqtaH.
majaw.  De' wIghoj: CBS/Paramount jabbI'ID lumughta' 'angghal taD je.
(qen jabbI'IDvam tu' naHQun.)
pawlI' latlhpu'.
mInDu'Daj leSpalDu' mach tuQtaH QanqorHey.

'uQ Sopta'be'mo' 'op, Qe' Sumqu' wIyot.
maQuchqu'ba' maH, 'ach berghlaw' jabwI'.
leSpalDu' ngIp ghaH 'ej tuQchoHDI', QuchchoHlaw'.
wa' DIlmeH tetlhDaq nargh Hoch nay'mey.
malaw'mo', jabwI' rup chellu'pu', 'ach tInqu'.
tlhoy tIn jay' -- wejmaH jav vatlhvI' 'oH net SIm.
Qe' beqvaD SengHey cha' vay' 'ej nom Sengna' ngu'lu'.
bong cha'logh rup chelpu' De'wI' lo'bogh vay'.
tagha' lughchoH Hoch 'ej Qe' wImej.

qaS choS.  qaS jajlo'.  rIn jaj wa'.

-- ghunchu'wI'

• Follow-Ups:
  • Re: qep'a' wa'maH loSDIch - Wednesday
    • From: McArdle <[email protected]>

• Prev by Date: Re: mu' chu'
• Next by Date: Re: Number of Klingon speakers?
• Previous by thread: She will love you more than any other guy
• Next by thread: Re: qep'a' wa'maH loSDIch - Wednesday
• Index(es):
  • Date
  • Thread
  • Author

Back to archive top level