tlhIngan-Hol Archive: Mon May 09 17:01:09 2005
[Date Prev][Date Next][Thread Prev][Thread Next]
Re: Enterprise - In a Mirror, Darkly
Defiant chobmeyDaq qettaHvIS ghot, tlhoyDaq 'ochmey vItu'. 'ochmeyDaq vay'
ghItlhlu'law' 'ach vIleghchu'be'. puqloDwI'vaD qID vIqawbogh vIDel:
chentaHvIS Hov leng muchmey ngo', "GNDN" lucha' 'op 'ochmey. (pagh ghoS,
pagh ta'.) TiVo-mo' pe'vIl Hoch wInuDlaH, 'ej tugh HuvchoH ghu': mI'mey
neH cha' 'ochmey DIleghbogh.
'ach pay' nargh 'och pIm (retlhDaq Heghpu' Defiant beq), 'ej 'oHDaq "GNDN"
ghItlhlu'bej! jIHaghqu' 'ej jISIvchoH: tu'pu' nuv 'ar? jImoblaHbe'ba'
qar''a? 'ach jI-Google-ta', 'ej not 'oH tu'law'pu' latlh.
-- ghunchu'wI'