tlhIngan-Hol Archive: Mon Jul 25 09:50:21 2005

Back to archive top level

To this year's listing

• Index by Date
• Index by Thread
• Index by Author

Re: lut tlhegh

ngabwI' ([email protected])

• From: "ngabwI'" <[email protected]>
• Subject: Re: lut tlhegh
• Date: Mon, 25 Jul 2005 12:50:08 -0400
• References: <000701c4b87e$4f4d1ba0$6401a8c0@SENARA>

----- Original Message ----- 
From: "Regina Reusser" <[email protected]>
To: "KLI" <[email protected]>
Sent: Friday, October 22, 2004 5:30 PM
Subject: lut tlhegh


> tagha' lut thleghmaj vItaHnISmoH...
>
> jIghItlhpu':
> "bIqet 'e' yImev", jatlh vay'. QamchoH loD. muD bej, 'ach pagh legh.
>
> "yoHqu' puqloDlI'", jatlh ghogh, "Qu' Qatlh chavtaH. ghaHvaD Qob, 'ej chaq
>
> Hegh. 'ach Qapchugh, SuvwI'na' moj. juHlIj yIchegh 'ej yIloS neH."
>
> DaH lut vItaHmoH:
>
> lojmIt tlhopDaq Qam 'unar. SutDajDaq, ghopDu'DajDaq je 'Iw tu'lu'. qen 
> targh
> HoH 'e' qaw, 'ej pay', lojmIt poSmoHtaHvIS, Qu'Daj qaD wa'DIch ta'meH, 
> latlh
> cha' targh HoHnIS 'e' qawchoH. 'ach nuqDaq bIH? taghmo' ram, HurDaq
> HurghchoH, 'ej pa'Daq wovmoHwI' tu'lu'be'law'. Dat tam, 'ej pagh larghlaH 
> je
> loDHom.
>
> lojmIt poSmoH, 'ej pa' 'el. naDev wovqu'mo', qaStaHvIS 'op lup mInDu'Daj
> SoQnISmoH 'unar. ghIq, leghlaHchu'qa'DI', pa' bej. tInbe' pa'. ravDaq Dat
> HomDu' lutu'lu'. "naDev Hegh SuvwI' 'ar?", Qub loDHom.
>
> 'ach pay' tlhuH 'e' mev. cha' targh, bIH jojDaq latlh lojmIt je tu' ravDaq
> Qot targhmey, Qonglaw'. tIn law' targhmeyvam, tIn puS qen targh'e' HoHbogh
> ghaH. (lugh mu'tlheghvam 'e' vIHon. "These targs were bigger than the one 
> he
> had killed recently" jIja' vIneH...)
>
> 'unar tungchu' ngoDvam. "chay' targhmeyvam vISuvlaH?", Qub, 'ej ravDaq
> ba'choH.
>
> pay' ghogh Qoy: "yIjeghQo'. tugh vemchoH targhmey, 'ej DaHoHbe'chugh, vaj
> SoH DuHoHbej."
>
> "'ach chay'..."
>
> "qaDvam Data'laHbej", puq mu'tlhegh ghor ghogh. "nuH Daghajbogh yIlo'chu',
> 'ej DujlIj tIvoq. wamtaHvIS vavlI' Datlhej 'e' vISov, 'ej DughojmoHbej
> vavlI', vaj Hoch DaSov."
>
> QIt Hu' 'unar, 'ej Qub...
>
> chay' vang ghaH? targhmey HoHlaH'a'? tugh wISovjaj.
>
tagha', lutmaj vItaHmoH....

ben law', jatlh vavDaj,  / Ha'DIbaHmey'e' DapoQbogh neH tIHoH! /

targhmey wambe'mo' loDHom, bIH HoHnISbe' ghaH, qar'a'?

vaj QIt targhmey juS, 'ej lojmIt 'el.

tInqu' pa', 'ej meyrI' rurchu' rav. pa'Daq Qam qa'Hey. wew. Subbe', 'ach 
SaHbej.

qa' chol neHbe' loDHom. cholvIpbe', (Qo', cholrupchu'!), 'ach loblaw'Qo' 
'uSDu'Daj.

DaqtaghDaj lel, 'ej jaghHeyDaj qaD loDHom. jatlh <<SoH 'Iv?....>>

tam qa'.

<<SoH 'Iv?....>>

tamtaH jagh, loDHom bejchu'taHvIS

 jach. <<SoH 'Iv jay'??!?!>>

poSchoH jagh nuj. vIHchoHlaw' wuSDu', 'ach QIt vIH, 'ej not bIH 
leghlaHchu'be' loDHom. wuSDu'Dajvo' nargh latlh qa'pu', jachtaHbogh nachDu' 
qeng Hoch qa'. 'Iw lIngtaH 'op....

tagha', wab Qoy loDHom. vIHbe'law' qa' wuSDu', 'ach jatlh........


nuq jatlh qa'? vISovbe'. yIwuq! tlheghmaj yItaHmoH!

--ngabwI'
jIQongQo', muSopbej tlhaQwI'pu',
jIQongQo', muSopbej tlhaQwI'pu',
jIQongQo', muSopbej tlhaQwI'pu'.....
HovpoH 703331.8 

• Prev by Date: Re: time passes
• Next by Date: Re: time passes
• Previous by thread: RE: Klingon WOTD: ngagh (verb)
• Next by thread: Klingon WOTD: per (noun)
• Index(es):
  • Date
  • Thread
  • Author

Back to archive top level