tlhIngan-Hol Archive: Thu Mar 25 18:21:46 2004
[Date Prev][Date Next][Thread Prev][Thread Next]
De'wI' patmey
- From: Qov <[email protected]>
- Subject: De'wI' patmey
- Date: Thu, 25 Mar 2004 18:18:38 -0800
Internet vIDelmeH mu'tay' Sar vIlo'. rut <De'wI' pat'a'> vIjatlh. <De'wI'
rarchuqghach'a'> vIlo'laH. *Internet* vIlo'laHbej, 'ach mu' chenmoH
tlhIngan Hol'e' 'e' vImaS.
QuvarvaD jIjatlhtaHvIS, De'wI' pat'a' yajbe'. 'evnagh jatlh ghah. 'evnagh
vIyajbe' jIH QIjlu'pa' 'a WiFi patmeyvaD vIlajbej. nuq DamaS SoH? nuq Dalaj
'ej lajHa'?
De'wI' pat'a'qoqvetlhDaq mu'mey'e' leghlaHbogh latlhpu' Daghunchugh, nuq
'oH? pIj De'wI' Daq vIpong. De'wI' nav, De'wI' juH Daq, joq vIlaj je.
De'wI' QonoS DIqontaH jI'qel jIH je. pongmeH DIvI' Hol jatlhwI' *blog*
jatlh. mu'vammo' *bo logh* 'oH QonoSwIj'e' 'a per 'oH neH. bo logh je vIqel
vIjatlhtaHvIS. mu' 'oHbe'bej.
wa' mu' vI'oghlaw': QonoSngan. Qo'noSnganmo' jIqID 'ej qo' rurmo' De'wI'
pat'a' vIjatlh. loQ QonoSDaj Dab qonwI', vaj QonoSngan ghaH QonoS qonwI''e'.
motlh jIHvaD neH jIjatlhmo' ghaytan HujchoH mu'tay'wIj. HIvuS. :)
SKI: Qov solicits opinions on terminology associated with the Internet, in
a thinly velied attempt to show off her new blog.
Qov
http://bologh.blogspot.com