tlhIngan-Hol Archive: Wed Jun 30 12:47:22 2004
[Date Prev][Date Next][Thread Prev][Thread Next]
RE: yon'a' Holvam
- From: "David Trimboli" <[email protected]>
- Subject: RE: yon'a' Holvam
- Date: Wed, 30 Jun 2004 15:43:53 -0400
- Bcc:
>From: [email protected]
>wa'maH nem Hol SovlIj rurchoHDI' Hol SovwIj, ngugh yap Hol chaq 'e'
>vIQubchoH.
Hol Hoch DaSovchu'be'mo' SoH'e', vaj yapbe' Hol? Qu'vatlh! Hol Dublu' 'e'
yInIDQo'; laHlIj yIDub neH jay'! Okrand Qaghmey tIbuSQo'. QaghHey
Datu'chugh, yIQub bIghelpa'. reH Dajanglu'chu' 'e' yIpIHQo'; yIjang'egh.
tugh bIpo'choH bIQubmo'; not bIpo'choH reH Dajanglu' 'e' DaloSchugh.
>qechvetlh tobmeH tlhIngan Hol vIghojtaH. jIpo'choHpa' jIQaghqa'taH, 'ej
>poH law' vay' vIjatlhbogh Daparqu'.
yIjatlhQo' <poH law'>. nIv <pIj>.
bIjatlh qoj bIQagh 'e' vIparbe'. reH Hol DaHIv 'e' vIpar. pujtaH Hol 'e'
Datob 'e' DanIDlaw'. 'oH vu'nIS tlhIngan Hol yejHaD yaS 'e' DaHarlaw'.
teHbe'! teHchugh, qItbe' ghoHtaHghachvam. pIv tlhIngan Hol.
ja'chuqmeH yapbejqu' tlhIngan Hol. HIHar. 'oH SachmoHchugh Okrand
jIbepbe', 'ach 'oH SachnISqu'be'moH ghaH. bIjatlhDI', reH qarchu'bogh
De'wI' yIrurQo'. HollIj yIHoSmoH! QIchlIj yI'IHmoH! yIval'eghmoH!
rejmorgh DaDa 'e' yImev.
SuStel
Stardate 4497.8
_________________________________________________________________
FREE pop-up blocking with the new MSN Toolbar ? get it now!
http://toolbar.msn.click-url.com/go/onm00200415ave/direct/01/