tlhIngan-Hol Archive: Thu Oct 09 00:31:06 2003
[Date Prev][Date Next][Thread Prev][Thread Next]
Iraq puqHom QonoS
- From: "clayton.rodrigo" <[email protected]>
- Subject: Iraq puqHom QonoS
- Date: Thu, 9 Oct 2003 05:31:48 +0000
DIS cha'SaD wej, jar chorgh, jaj wa'maH Hut
(Hogh jaj wejDIch)
jIDoy'.
jIvemDI' jIDoy''a'? chay' qIt? jIQongtaHvIS jISuvtaHlaw' 'e' vIHot...
jInajtaHvIS maQmIgh vIleghbe'meH 'ej jIHajbe'meH jISuvtaH... HIch
bach, Dujmey joq vIQoybe'meH jISuvtaH. DaHjaj tlhoy jIDoy'. 'ach
jIDoy'mo' vIQong vIneHbe'. jIDoy'mo' jImevchu' vIneH... qo'vo'
HIrarHa' DaneHchugh. qaStaHvIS jajmeyvam, 'oH neH Hoch 'e' vIHar.
DaHjaj Anbar-Daq puq HoHlu'pu'. Baghdad 'ev veng 'oH Anbar-'e'. Omar
Jassim 'oH puq pong'e' 'ej wa'maH ben, chaq wa'maH wa' ben bogh.
De'vam SovchoH'a'? vay'vaD potlh'a'? Fox News-Daq, CNN-Daq joq 'oH
cha'lu''a'? qaStaHvIS HIvHom pIHbe'lu'bogh puqvam HoHlu'pu'. meq
Sov pagh.
qorDu'Daj Qaw'lu'ta'. juHchajDaq pagh Samlu'mo' juHchajvo' pagh
teqlu'. wa' latlh HIvHom neH 'oH. tlhoy nuvpu' HajmoH HIvHommey.
wanI' veb Sov pagh. 'Iv veb bachlu''a'? nuv quvHa' Da 'Iv? chay' Da?
Dochmey lunIHlu'taH je. baSmey lo'laH, tlhaqmey, Huch (dollar)...
<nIH Hoch QaS> jIjatlh 'e' 'oHbe'... mayHa'. jIjatlhchugh, <nIHtaH
Hoch Iraq-nganpu'> jatlhlu' 'e' rur. 'ach nIHwI'pu', HoHwI'pu',
HeSwI'pu', mangpu' je vIbuSchugh Qatlh Qu'. 'ej DaH America QaSmo'
vIboH je. jISov, jISov... <Iraq-nganpu'! Sutlho'qangbe'! SutlhabmeH
'oH wIta'... tlhIHvaD bIH HIvHommey!> jatlh vay' 'e' vISov.
'ach wa' ngoD neH luqaSmoH HIvmey 'e' 'oH vIt'e': puHmaj Danlu'pu'
'e' wIqawtaH 'ej matlhabbe'taH 'ej DIbmey DIghajbe' 'e' reH luqaSmoH.
juHmajDaq maQanbe''egh. DaH Hoch ghatlhta' latlh nuv.
DaHjaj, pIq vIleghbe' pagh chaq pIq vIleghQo'. wanI' Do'Ha'
wIqawbe'meH qoj maQmIgh wIleghbe'meH chaq maQub 'e' mabot. 'ach
'eqDI' pagh paSDI', qaSchoH 'oH. javwen, pIq wIqelvIp. DaH poHvam
wInongtaH. bInajDI' 'ej maQmIgh DaleghDI', bI'elmeH lojmIt Danej 'e'
rur ghu'. "oil" luteq 'ej mej 'e' 'oH Hoch'e' vIneHbogh.
qonwI': Iraq botlh Dabbogh puqHom'e'
Quv: [email protected]
QonoS: http://riverbendblog.blogspot.com
mughwI': Clayton Rodrigo Cardoso
ICQ: 14972249
Quv: [email protected]