tlhIngan-Hol Archive: Wed May 14 10:23:41 2003
[Date Prev][Date Next][Thread Prev][Thread Next]
SoSwI' vISuchtaHvIS...
- From: [email protected]
- Subject: SoSwI' vISuchtaHvIS...
- Date: Wed, 14 May 2003 11:19:03 EDT
wejHu' qaS SoSpu' jaj. le' DISvam. wejHu' qoSDaj lop SoSwI'. qanchu', 'ach
qanwI' rurbe'. pIvqu' 'ej Quchqu'.
puqloD nIv jIHmo', SoSwI' vISuch. 'ach, mumaw'moHmo' jIratlhbe'.
vaghHu' paw parmaqqaywI' jIH je. Hopqu'mo' SoSwI' juH, mapuv ('ej toH,
Doy'qu' DeSDu'maj). mapawDI' qIH SoSwI' parmaqqaywI' je. majatlhchuq. lutmey
law' maja' 'ej maqID. ghIq Qe'Daq maSop. macheghDI' maQongchoH.
loSHu' mavemDI' nIQ maSop. qa'vIn tlhutlh 'ach qa'vIn vIpar. SoSwI' juHvo'
tlheD parmaqqay jIH je, 'ej qelI'qammey law' maleng. qaStaH rep law' 'ej
lorwI' juH. SaHbe' 'ach SaH be'nalDaj. nupIH. qIH lorwI' be'nal parmaqqaywI'
je. majatlhchuq. lutmey law' maja' 'ej maqID. ghIq maQongchoH.
wejHu' mavemDI' pawta' lorwI'. Qe' le'qu'Daq maSuch lorwI', be'nalDaj,
parmaqqaywI' jIH je. Qe'Daq muv latlh lorwI' (lorwI' wa'DIch loDnI'). maSop.
majatlhchuqqa'. lutmey law' maja'qa' 'ej maqIDqa'. ghIq, lorwI'pu'vo' lorwI'
be'nalvo' tlheD parmaqqaywI' jIH je. qelI'qammey law' malengqa'. qaStaH rep
law' 'ej SoSwI' juHDaq mapawqa. Qe' povqu' vIwIv. SoSwI' qoS malop. SoSpu'
jaj malop.
cha'Hu' mavemDI' nIQ maSop. matlheDnIS. DujHommaj matatlh 'ej vaj juHDaq
mapuv ('ej toH, Doy'qu'qa' DeSDu'maj).
jIlengtaHmo', lutvetlh Dogh vIlaDlaHbe'. 'ej lutvetlh'e' vISovta'DI', qan De'
'ej lo'laHbe'.
- 'angghal
-=-=-=-
SKI: Lawrence explains why he wasn't around for the story about the Klingon
job.