tlhIngan-Hol Archive: Fri Jun 20 16:53:04 2003
[Date Prev][Date Next][Thread Prev][Thread Next]
A Letter from Camp
- From: [email protected]
- Subject: A Letter from Camp
- Date: Fri, 20 Jun 2003 17:47:00 EDT
Here is a letter I received in English.
wawvo' jabbI'ID
SoSvaD vavvaD je,
HaSta boleghmo' 'ej SoD ‘e' boSovmo' SaHajchugh, QorDu'majvaD jabbI'IDmey
DIqon ‘e' ra' tlharghbeq DevwI'ma'. mapIv. wa' Sut-juH cha' QongmeH ngaSwI'mey
je neH bI'pu' bIQ lot. Do' pagh ghot HoH bIQ. qatlh? poH nIb HuDDaq puq <<
Chad>> wInej.
peqIm! <<Chad>> SoSvaD yIrI'. pIv ghaH ‘e' maq. DeSDajDaq Hom Som ghajmo',
ghItlhlaHbe' <<Chad>>. nejmeH ‘ej toDmeH DujDaq jIba' net chaw'. Dun!
qaSbe'chugh chal ‘ul'a', vaj Hurghchu'mo' not <<Chad>> wISamlaHlaw'. nIteb HuDDaq
yItmo' <<Chad>> ‘ej vay'vaD ja'be'mo', QeH tharghbeq DevwI' <<Walt>>. ja'ta' ‘
e' morgh <<Chad>>, ‘ach qaStaHvIS qul lot ja'mo', ghaytan Qoybe' DevwI'.
qulDaq nIn Dachelchugh, jorbej nIn ngaSwI' ‘e' DaSov'a'? reH meQchoHbe' SorHap
yIQ; ‘ach meQchu' wa' Sut-juHmaj. meQ je ‘op Sutmeymaj. jIbDaj tu'qa'pa',
taQlaw' <<John>> nach.
Duj tI'laHchugh tlharghbeq DevwI' <<Walt>>, vaj jaj SochDIch juHmeymaj
DIchegh. Duj lotmo' pIch ghajbe' ghaH. matlheDDI' Qap Duj lumevmeH janmey. jatlh
tlharghbeq DevwI' <<Walt>>, ngo'bejmo' Duj, ghor janmey HochHom net pIH.
qhaytan meqvammo' <<insurance>> je'laHbe'. Dun DujDaj ‘e' wIQub. Duj
wIlammoHchugh, qay'be', jatlh <<Walt>>. tujtaHvIS muD, Duj rutlhmey Dung baS janmeyDaq
malIgh ‘e' chaw' <<Walt>>. lIghtaHvIS wa'maH nuvpu', tuj Duj qoD muD. Duj ‘
em DujHomDaq malIgh ‘e' chaw', ‘ach wanI'vam mevchu' qopwI'. Dun tlharghbeq
DevwI' <<Walt>>. peHajQo'! ruQwI' QaQ ghaH. DaH Duj ruQ <<Terry>> nenbe' ‘e'
ghojmoH <<Walt>>. ‘ach Dujmey law' Hutlhbogh HuD HeDaq ruQ ‘e' chaw' neH.
pa' Sor teng Dujmey neH bIH Dujmey'e' DIleghbogh.
DaHjaj po nagh'a'meyvo' Sup Hoch puqpu' ‘ej ngengDaq vIH. jItlhotbe'mo'
ngeng vI'el ‘e' chaw'be' tlharghbeq DevwI' <<Walt>>. Hom Sommo' ghIrbejmo' <<Chad>
>, vaj ngeng ‘elvIp ghaH. vaj ngeng Dop pIm wIlengmeH bIQDujHom (<<canoe>>)
wIruQ ‘e' chaw' <<Walt>>. Dunqu'! bIQ bIngDaq lotmo' Sormey DIleghtaH.
qejbe' tlharghbeq DevwI' <<Walt>>, tlharghbeq pIm DevwI'pu' rurbe'. yIntagh
wepmeymo' QeHchoHbe'. qaStaHvIS poH law' Duj tI' ‘e' nID ghaH; vaj ghaH
wIbuQbe'. peloy! QelHom Degh wISuq Hoch puq. ngengDaq Suppu'DI' <<Dave>>, DeSDaj
pe'lu'. ngugh ‘Iw botmeH Sut (<<tourniquet>>) lo'meH mIw wIghojta'.
‘ej Sojmaj wISuqqa' <<Wade>> jIH je, quD rur. Qa' Ha'DIbaH ngo'mo' tar luSIQ
burghDu'maj ‘e' pIH tlharghbeq DevwI' <<Walt>>. bIghHa' DubtaHvIS ghaH,
motlh Ha'DIbaH ngo'mo' rop ghotpu' law'. bIghHa' mejmo' ghaH ‘ej tlharghbeq
DevwI'ma' mojmo' ghaH, vaj jIQuch. jatlh <<Walt>>, bIghHa' poH SIQtaHvIS ghaH,
chavmeH mIwmey QaQ ghojbej.
DaH jImevnIS. jabbI'IDmeymaj DIHIjmeH ‘ej nIch wIje'meH vengHom wIleng.
pagh yIHaj. pIv Hoch.
pItlh, <<Cole>>
jIchel: ghorgh rop <<tetanus>> botmeH Hergh QaywI' vISIQta'?
translated by peHruS