tlhIngan-Hol Archive: Wed Jul 09 18:51:56 2003
[Date Prev][Date Next][Thread Prev][Thread Next]
RE: jInajtaHvIS qep'a' vIlegh
- From: Eric Andeen <[email protected]>
- Subject: RE: jInajtaHvIS qep'a' vIlegh
- Date: Wed, 9 Jul 2003 16:46:57 -0700
taD:
> DaHjaj jIvemDI', qep'a' vIleghpu'. jInajpu'. vIDel:
>
> tlhIngan Hol yejHaD qep'a' 'oH. 'a qep'a' wa'maHDIch
> 'oHbejbe'. (chaq 10DIch 'oH, chaq 11DIch 'oH) pa' SaH ghotpu'
> law'. ghaytan 50-100 ghot tu'lu', 'ej qorDu'chaj qeng 'oppu'.
> law'qu'mo' tlhIngan Hol jatlhwI'pu', SaH je Suypu'. tlhIngan
> Hol 'aH lungev chaH; loQ *Hov leng convention* rur.
> 'ach vISaHbe'; ram Suypu'.
> jatlhwI'pu' law' vIqIH. 'op pong vIghov; 'op qab vIghovbej. SaH *Marc
> Okrand* 'ej net pIH. 'a SaH je latlh - *John Larroquette*
> (matlh) qempu'
> *Marc*! tlhaQqu'.
> tlhIngan Hol juppu' ngo' vIlegh je: ghunchu'wI', 'angghal,
> *tuxedo* tuQbogh SuStel, latlhpu' je.
> maleghchuqDI', gho wIrurmeH maQam 'ej *Laverne & Shirley*
> namtun wIbom.
> jIvaD lIH'egh wa' ghot vIghovbe'bogh: *Dor'atlh* 'oH
> pongDaj'e'. tlhIngan pongDaj vIghovlaw', 'a qabDaj, DIvI' Hol
> pong je vISovbe'. loQ tlhIngan Hol jatlhlaH *Dor'atlh*. 'ach
> tlhIngan Holqoq lujatlhtaH be'nalDaj, puqpu'Daj je. (tlhIngan
> Hol lujatlh 'e' luHar, 'a chatlh neH lujatlh) Soj law' tu'lu'
> je. bong chab vIgho'. Do'Ha' HumchoH waqwIj.
majQa'! najtaHvIS vay' 'ej tlhIngan Hol jatlhlu'taHvIS, reH QaQqu' wanI'.
'ach bInajtaHvIS SoH Hujlaw' je. chaq bISopDI' 'ej tlhoS bIQongrupchoHDI'
bIyepnIS.
*tuxedo* ghaj'a' SuStel?
pagh