tlhIngan-Hol Archive: Tue Feb 18 06:38:21 2003
[Date Prev][Date Next][Thread Prev][Thread Next]
tlhoy Qap yotna'
- From: Alan Anderson <[email protected]>
- Subject: tlhoy Qap yotna'
- Date: Mon, 17 Feb 2003 01:42:00 -0500
mapaw. mayot. maQap...law'.
maghomchuqDI', maQuch. tay'DI' juppu', QaQba' wanI'. lopmeH 'eb jonlu'.
'ach loQ Qapbe'law' muvmoHmeH ngoQ. Dajqu' tlhIngan Hol 'e' luHarlaw'
nuvpu' puS. tlhIngan Hol yejHaD muvqangbe' HochHom.
'ach naDev maloptaHvIS, pe'vIl peD. Hemey waQlu'chu'. mamejlaHbe'.
qaStaHvIS cha' ram maratlh 'e' wInab. DaH qaSlI' ram wejDIch. tlhaQ ghu'.
mebpa'mey DIcharghta' 'e' rur: DaH QI' qum wIchermeH maSaHtaH.
<poQ 'ar> luQuj nuv law'. nav Dochmey Doj chenmoH nuv puS. bom be'Hommey.
taQchoH Hoch. jIDoy'mo' jIQublaHbe'.
naDev jIHtaHqu'mo' QuchHa' be'nalwI'. ghaH vIpIchbe'. jIQuchHa'rup je
jIH, wanI' QaHchugh, 'ach pagh choHmo' DotlhwIj Sanmaj vIlaj. tugh rura'
pente'vo' manargh 'e' vItul...
-- ghunchu'wI' Doy'qu'