tlhIngan-Hol Archive: Mon Sep 09 15:59:52 2002
[Date Prev][Date Next][Thread Prev][Thread Next]
Re: EK: ghomqa'ghach
qon 'ISqu':
>wa' Hogh ret juppu'wI', nI'taQ, Quvar je vISuchmeH Germany vIghoS.
>PolandDaq muD Duj vItIjpa' yaSvaD leng chaw' (=passport) vI'angnIS. loS
>qabDu' law', jIloS jIH je. jIloSlI'vIS pe'vIl mubej wa' loD. loQ muyIv
>ghu'vam 'ach tlhoy' muyIvbe'bej. jIHvaD
<-lI'vIS> vIghItlh qen vIneH. vIlo'be' 'e' vIwuq. pabHa'bej 'a yajlu'chu'.
>jIjatlh: <<mubej neHchugh Qovpatlhvam vaj mubejjaj. jISaHbe'.>>
>vIbuSHa'taHvIS latlh raQpo'pu' vIlegh. cha' Japan puqpu' vItu'. nIteb
>lenglaw'taH. chaH tlhejlaw' pagh nenwI'. ngoDHeyvam vIqelchoHDI' pay'
>muja'choH mubejtaHbogh loD. mughel: <<qanuQmo' jItlhIjneS 'ach Agnieszka
>'oHbe''a' ponglIj'e'?>>
bInoyba'.
>loDvam qab vInuD 'ej SIbI' vIghov. jIjach; jIjatlh <<qaleghneS, Zbig!>>
>ben law' 'ampaSDaq nItebHa' HolQeD wIHaD. rInDI' paQDI'norgh not maghomchuq.
>
>muD Duj wItIjmeH lupwI' wI'el. ghoSchoHDI' lupwI' nuja' vay'; jatlh <<toH,
>Agnieszka, Zbig! tughov'a'?>> matlhe'egh 'ej latlh jupma' qan wIlegh!
>'ampaSmajDaq maHaDtaHvIS HaD ghaH je. ghIq Japan ngan naymeH Japan ghoS.
>jajvetlh Spain lujaHtaHvIS, ghaH puqpu'Daj je.
lIH'eghqa'pa' Zbig, cha' japangan puqpu' Datu'pu'. juplI' puppu' chaH'a'?
Dun lutlIj. majQa'!