tlhIngan-Hol Archive: Sun Sep 08 07:23:11 2002
[Date Prev][Date Next][Thread Prev][Thread Next]
mu'mey chu' vIqeq
- From: "Agnieszka Solska" <agnpau1@hotmail.com>
- Subject: mu'mey chu' vIqeq
- Date: Sun, 08 Sep 2002 12:21:11 +0000
qen muD DujDaq jIlengtaHvIS mu'mey chu' vIqeqmeH lutHomqoqvam vIqon. motlh
mu'meyvam vIlo'meH 'eb vIHutlh. Dalqu'ba' ghItlhHomvam 'ach laDqang vay' 'ej
ngoDmey Qaghmey je lughqangmoH 'e' vItul.
puvchoHpa' muD Duj qajmeH Daq ghoS. puvchoHmoHmeH QuQmey laQ 'orwI'. pe'vIl
ghoSchoH muD Duj. ghoStaHvIS chungqu'. tagha' yavvo' qajchoH. qajtaHvIS tor.
rut tortaHvIS ron 'ej the'. qajmeH neH tor raQpo' muD Duj. SaqmeH torbe'.
jIm neH. qaSchugh wanI'vam raQpo'pu' ghIjbej. vaj SaqmeH jIm neH Duj
chungHa'taHvIS. lolchu'meH pIj Dav qoj Der. jIpuvtaHvIS not jer muD Duj 'ach
chaq bImuj.
muD Duj Qorwaghvo' leghlu'DI' 'IHlaw' tera' 'ach rut 'engmeymo' yav
leghlaHbe' vay'.
'ISqu'
_________________________________________________________________
MSN Photos is the easiest way to share and print your photos:
http://photos.msn.com/support/worldwide.aspx