mutlhej puqloDwI'

["d'Armond Speers" <speersdl@msn.com>]

wa'Hu' jI'ortaHvIS, mutlhej puqloDwI'.  (chorghben bogh.)  'emwIjDaq ba'.

jIHvaD QumlaHmeH *headset* lo'.  motlh muDDuj ngo' vI'or, 'ach *headset* 
lo'laHbe' raQpo'.  wa'Hu' muDDuj pIm vI'or, *headset* lo'laHmeH puqloDwI'.  
muDDuj motlh ngo' law', wa'Hu' muDDuj ngo' puS.

jI'ortaHvIS, Qu' potlh ghaj puqloDwI'.  *camera*maj lo'.  cha'maH vagh 
'oSwI' qon.

loQ jIbIt.  motlh mutlhejbe' raQpo'.  motlh SaH jIH, ghojmoHwI' je neH.  
jIghojlI'mo' rut jIQagh.  wa'Hu' muDDuj vISaqmoH 'e' vIqeq.  jIDublI', 'ach 
rut muDDuj vISeHchu'be'.  puqloDwI' vIghIj vIneHbe'.  'ach jotchu' ghaH.  
Dunqu'.

rejmorgh ghaHba' be'nalwI'.  mutlhej puqloDwI' 'e' chaw' ghaH, 'ach bItbej.  
juHmaH DungDaq wIpuv, 'ej nulegh ('ej nuQoy).  mayepqu'nIS, juHwIjDaq 
Sumqu'mo' *Denver International Airport*.  nom 'evDaq wItlhe', muDDaj 
wIyotbe'meH.

tugh mutlhejqa' puqloDwI' 'e' vItul.

-- Holtej

--
d'Armond Speers, Ph.D.
dspeers@bigfoot.com


_________________________________________________________________
Join the world’s largest e-mail service with MSN Hotmail. 
http://www.hotmail.com