tlhIngan-Hol Archive: Tue May 28 12:21:42 2002

Back to archive top level

To this year's listing



[Date Prev][Date Next][Thread Prev][Thread Next]

Re: EK: jIleng



ghItlh ghunchu'wI':
>jIja'pu':
> >Huvchugh chal, ghaytan qul vIchenmoH 'ej HurDaq wIba'.
>
>ja' Bartholomew Barker <[email protected]>:
> >maj. ram bel DaDel. Hovmey bIngDaq qul vIbej 'e' vItIv.
>
>chal lubotpu' 'eng, 'ach SISbe'taHvIS qul tlhopDaq maleS.
>jutlhejlaHbe'pu' 'e' vIpay.

qaSuchbe'mo' jItlhIj. SISchoHDI' *Jay County*Daq jIleng.
Human law' vIyu' <<nuqDaq 'oH *West Grove* molyotlh'e'?>>
(muyajmeH, DIvI' Hol vIjatlhba'.) jang Hoch <<jISovbe'.>>
'ach loD qan vISam 'ej molyotlhvam Daq Sov.

nom lam HeDaq jIchIj. tugh qaSpu' choS 'ej molmey vIleghlaHbe'.
qaStaHvIS tup puS, DaqwIj vISovbe'. jImoghchoH. ghIq loD Qup
vItu'. lutlhlaw'. HatlhvamDaq 'ItlhHa' 'e' wIv Human law'. loDvam
vIyu' 'ej muQaHchu'. molyotlh vISam 'ej nom qempa'wI' mol vISam.

ghob'eghpa' wo'maj, toy'wI''a'pu' tlhabmoHmeH <wutlh He>qoq jeS
qempa'wI'. chorghmaH loS ben Heghpu'.

SoSwI' vavnI' vavnI' ghaH.



Back to archive top level