tlhIngan-Hol Archive: Thu Mar 21 11:28:15 2002
[Date Prev][Date Next][Thread Prev][Thread Next]
Re: god (was: Re: a word is needed?)
- From: [email protected]
- Subject: Re: god (was: Re: a word is needed?)
- Date: Thu, 21 Mar 2002 16:28:14 GMT
> jatlh Will:
>
> >..Or to hyperextend a very dead thread on the KLI mailing list. Please
> >let's get back on topic and stop posting English messages about how you
> >personally like to use the word "God" or not so that someone else can do the
> >same and then someone else can do the same and then it's your turn to go
> >back and do the same again so someone else can do the same again.
>
> pItlh. bIlughlaw'. tlhoy DIvI' Hol pong "God" wIja'chuq, 'ach mughmeH neH
> 'e' vIHar.
nuqjatlh? Dap 'oH mu' <wIja'chuq>'e'. mojaq <-chuq> lo'lu'DI', not DoS ghajlaH
wot. wot DoS 'oH vangwI''e'. wot DoS 'oHlaHbe' latlh'e'. jIchup:
>>>>>>>>>>>>>>>>>>>>>>>>>>>>>>>
DIvI' Hol wIlo'taHvIS tlhoy per *God* wIqelpu'. pIj majatlhqa'pu' tlhIngan Hol
wIjatlhbe'taHvIS 'ach wa' meq neH wIghaj. mu'vam wImughchu' wIneH. Qu'vamvaD
majatlhtaH.
<<<<<<<<<<<<<<<<<<<<<<<<<<<<<<<
'ach ngoDqoqvam vIHon. Hoch Qunpu'chaj HoHta' tlhInganpu' net Sov. qatlh
*nuclear powerplant* mughmeH mu' pup poQ *Eskimo*? qatlh <qIvon> mughmeH mu'
pup poQ tera'ngan? qatlh qo'na' mughmeH mu' pup poQ lalDan HarwI'?
per *God* Dalo' DaneH vaj yIlo'. tlhIngan mu' 'oHbe'ba' vaj mughQo'. yIlo' neH.
lalDan qo'qoq Daqel DaneHchugh vaj tlhIngan Hol yIlo'. DIvI' Hol Dalo'qa'taHvIS
pervetlh Daqelqa'taHvISDI' naDev bIbIv. yImev!
> tlhIngan Hol mu'mey <<Qun'a'>> <<joH'a'>> je wIja'chuqpu'.
Dap Dajatlhqa'. wotna' 'oHbe' <ja'chuq>'e'. mojaq 'oH <-chuq>'e'. yIpabchoH!
> lalDan wIja'chuqbe'pu'.
Dap'a' Dajatlh.
meqna' DaHutlhDI' pervetlh yIlo'Qo' 'e' ra' lalDanlIj. chutmeylIj'e' tIpab.
> lalDanmo' vIghoHchuqqangbe'.
Dap 'oH mu' <vIghoHchuq>'e'. mojaq <-chuq> Dalo'Ha'qa'pu'. Holvam DaghojnIS 'ej
mu' pup Dabejbogh 'oHbe' paQDI'norgh'e' DapoQbogh. pab yIbuS. permey tIbuSHa'.
> tlhIngan Hol mu'mey wIja'chuq,
bIDogh.
> pagh tIghmey wIlo'laHbogh mughlaHmeH ('e' vIHar).
mojaq <-meH> ghajDI' wot, wotvam tlha'nIS mu''e' Delbogh wotvam. mu'
<mughlaHmeH> DalanHa'pu' 'ej qayajlaHbe'.
> DaH Dochmey law' vImugh,
> 'ej mu' "God" lulo' nuvpu' law' ghItlhDI'.
vaj pervetlh yIlo'. pervetlh Hutlh tlhIngan Hol. latlh mu'mey ghaj 'ach mughmeH
Qapbe'. yIlaj! yItlhetlh! latlh paQDI'norgh yIqel.
> 'ach wIghoH 'e' wImev 'e' DaneHchugh, wImevlaH.
'e' yItob.
> SoHvo' vIghoHqangbe',
> bIQapbejmo'. :) pe'vIl bIghoH. 'ej DaH qayaj; jabbI'IDmeywIj vIlaDqa'pu',
> 'ej pay' tlhoy tIqlaw' 'ej pagh luQIj.
bItlhIj 'ej jIlaj.
> (cha' <<'e'>>mey vIlo'laH'a'?)
HIja' 'ach pIjHa' Qapchu'.
> Done, then. You may be correct...
DIvI' Hol vIyajbe' vaj vIbuSHa'.
> Qapla' 'ej Satlho'
>
> ro'Han
charghwI'