tlhIngan-Hol Archive: Sat Jun 22 16:31:43 2002
[Date Prev][Date Next][Thread Prev][Thread Next]
Re: yajmeH
- From: Andrew Strader <[email protected]>
- Subject: Re: yajmeH
- Date: Sat, 22 Jun 2002 21:30:57 +0000
- Organization: Decode
qon Sangqar:
>chay' pabHa'? pabchugh cha'DIch, vaj pab wejDIch. DIp napHa' ghaj wejDIch,
>'ach bIvbe' DIp napHa'.
>The stick the dog chased broke
> - DIp -
>The stick the dog the cat scratched chased broke
> ---------- DIp ----------
pIj QujHeyvammo' ja'chuqtaH Holtejpu'. mu'tlhegh wejDIch pab lajQo' DIvI' Hol
HochHom jatlhchu'wI'pu'. tlhoy napHa'law'. rIn mu'tlhegh "the stick broke"
loQ 'e' mIm mu'tlheghHom'e' "[that] the dog chased". pabvetlh
lajlu'. 'ach mu'tlheghHom mImchugh latlh mu'tlheghHom, lajlu'Qo'. tlhoy mIm
'e' lunoH jatlhchu'wI'pu'.
ghaytan napHa'ghach pumqanglu', 'ach pabHa'ghach raDbe' napHa'ghach neH. 'e'
tob mu'tlheghvam'e' ghurlu'ba'taHbogh.
This is the house that Jack built.
This is the malt
That lay in the house that Jack built.
This is the rat
That ate the malt
That lay in the house that Jack built.
...
This is the farmer sowing the corn,
That kept the cock that crowed in the morn,
That waked the priest all shaven and shorn,
That married the man all tattered and torn,
That kissed the maiden all forlorn,
That milked the cow with the crumpled horn,
That tossed the dog,
That worried the cat,
That killed the rat,
That ate the malt
That lay in the house that Jack built.
mu'tlheghHommey law' ghaj mu'tlheghvam'e'. napHa'qu' 'ach tlhoy Qatlhbe'. 'oH
luyajchu' je puq. 'oHDaq not tlhoy mIm mu'tlheghHom. wa' mu'tlheghHom
rInmoHlu', mu'tlheghHom veb taghlu'pa'.
tlhIngan Hol pab yIqelqa'. nuq wI'aghlaH?
chenHa' naQ.
chenHa' naQ, tlha'bogh targh.
chenHa' naQ, tlha'bogh targh, teybogh vIghro'.
tlhIngan Hol mu'tlhegh Sachqu'lu'bogh DalaDlaH, Daqvam'e' Danaw'chugh:
http://www.asahi-net.or.jp/~VZ4S-KUBC/ivbetleh.html
Su', Hoch chaw'be'bej pab. rut vuSlu'. pab wIHutlhchugh jay' not napHa'laH
mISmoHbe'bogh SoQ. "Soj, DaH, maH" jatlhla' neH 'ej yajmoHghach tullu'. pab
wIHutlhbe'mo' SarlaHqu' 'ej rut napHa'laH SoQ: "DaH maSop", "DaH Soj maH",
"DaH maSopnIS Sojmaj Suqpa' jagh'e' wa'Hu' HuD HopDaq luleghbogh boq 'avwI'."
--
Andrew Strader