jajmey vItoghchoH -- jIghIQpa' jIlab

[Alan Anderson <aranders@netusa1.net>]

SuH loSmaH leS tagh qep'a' HutDIch.

tugh jIghIQlI'mo', jabbI'IDmey vIlab 'e' vIyev.  wej leS matlheD jIH 
be'nalwI' puqloDwI' je.  qaStaHvIS wa' jaj maleng.  qaStaHvIS wej jaj 
ghomqa SoSnI'wI' tuq (Heghpu' ghaH, 'ach taHbej vavDaj tuq).  ghIq 
qaStaHvIS cha' jaj be'nI'wI' qorDu' wISuch.  

rInDI' Hoghvetlh, maghIQchoHchu'.  ghIQmeH raQ lutlh wImaSbogh wIghoS. 
Jackson, Wyoming wISIchmeH qaStaHvIS wej jaj maleng.  (ghochmaj
wISIchpa', bIQtIQ SuD qIb joj loghvergh'a'Daq mayev 'ej yoS vIHotlh.)

qaStaHvIS cha' Hogh maleSchu'.  wej Hogh pIq matatlh'eghlI'meH, 
qaStaHvIS wej jaj maleng.  QonoS vIqon maghIQtaHvIS, 'ej macheghDI' 
tlhIHvaD vIlab.

-- ghunchu'wI' 'utlh