tlhIngan-Hol Archive: Tue Jun 04 18:16:55 2002
[Date Prev][Date Next][Thread Prev][Thread Next]
EK: jIlengqa'
- From: Bartholomew Barker <bbarker@ntplx.net>
- Subject: EK: jIlengqa'
- Date: Tue, 04 Jun 2002 18:16:45 -0400
cha'leS jIghIQchoH. qaStaHvIS cha' Hogh, <<japan>>Daq jIleng 'ej
mutlhej bangwI'. qaStaHvIS Hogh wa', <<toqyo>> wISuch. qaStaHvIS
Hogh cha', <<'oSaqa>> wISuch. jISey'qu'.
loQ japangan Hol vIjatlhlaH 'ach jIpo'Ha'. DochHa' japangan net Sov
vaj mu' DochHa' law' vIghojta'. SuvwI' Hol jatlhwI'pu'vaD vImughlaHbe'ba'.
Qujmey vIbejmeH, japan vIghoS. *qo'pop'a'* QapmeH, 'ov wejmaH cha' ghom.
Human Quj Qatqu' Quj. moQ pup QujwI'pu'. ghop lo' net chaw'be'. Qujvam
vIbej 'e' vItIvqu' 'ej vIQuj 'e' vItIv je. loS Quj vISuchmeH chaw'mey
vIDIl. waghqu' 'ach ghIchwIj bochmoHbe'lu'.
loS ben qo'pop'a' Qujmey vIbejmeH, <<parIS>> vISuch. leSpoHvetlh Dun
vIlIjlaHbe'.
japanDaq wIlengtaHvIS chIrghmey HuDmey je wISuch 'e' wInab. Qe' povDaq
maSop. tlhoy jISop 'e' vIHech jIH! ghotI' tlhol vItIvqu'.
toH, wa'leS tlhIngan Hol ghommaj vImuvHa'nIS 'ach wa'maH jav leS jIchegh
'ej lutmey vIja'.