Wales-vo' jIcheghpu'

[Bartholomew Barker <bbarker@ntplx.net>]

Wales-vo' jIcheghpu'. mutlhej vavwI' SoSwI' loDnI'wI' je
'ej lengvam wItIvqu' Hoch. 'IHqu' Hatlh 'ej DochHa' nganpu'.

vengHomDaq chIrgh tIQ wISuch. vengHomvaD "Claverly" ponglu'.
wa'SaD ben chIrghvam chenmoHlu'. Dojbej! wejvatlh ben
Claverly tlheDpu' qempa'wI'. pa' qempa'vam vavnI' mollu'
'ach mol vISamlaHbe'. qaStaHvIS wejvatlh DIS, Sabchu'
molnagh. loQ jI'IQ 'ach chIrgh vengHom je vISuchmo' jIyon.

England-Daq pIgh tIQ wISuch je. cha'SaD ben Say'meH qach
chenmoH Roman-nganpu'. vengvamvaD "Bath" ponglu'. Dajqu'
pIghvam. Say'choHmeH tay napHa' lulo' Roman-nganpu' 'ach
pa' jISay''eghmoH.

England-Daq pIgh noy wISuch je. tIQqu' pIghvam. bIHvaD
"Stonehenge" ponglu'. SaD law' ben chenmoHlu' net Sov.
chaq pIgh Dojqu' vIpIHpu'mo' jIyonHa'. Dojqu'be'. pa'
ghom'a' tu'lu'mo' 'ej nagh'a'mey vIHot net chaw'be'mo'
chaq jIyonHa'. Do'Ha'.

jIlengtaH DaH 'e' vImev. juHDaq jIratlh... qaStaHvIS
poH ngaj.

pItlh!