tlhIngan-Hol Archive: Fri Jul 05 12:26:31 2002
[Date Prev][Date Next][Thread Prev][Thread Next]
Re: Japan vISuch
ghItlh Holtej 'utlh:
>Hogh veb *Tokyo, Japan* vISuch. pa' tlhIngan Hol jatlhwI' tu'lu'chugh
>('ej QInvam laDchugh), HIrI'. chaq maqIH!
cha' Hogh ret *Tokyo*vo' jItlheD. chuSqu' veng 'ej moH. (Human mInDu'
vIlo'taHvIS,
moH 'e' vImaq. chaq pIm tlhInganna' vuD.) reH qachmey chu' chenmoHlu' 'ej
qachmey
ngo' Qaw'lu'. chuSqu' veng, ngevmeH jachtaHmo' ghot law'.
jISuch 'e' vItIv. Dun Soj. 'eyqu' ghotI' tlhol vISopbogh. waghHa' je. ghu' jum
vItu'. yIttaHvIS Sop pagh 'ej tlhutlh pagh. reH Qe'Daq ba'taHvIS Sop.
jIyIttaHvIS
Dargh vItlhutlh 'e' vItIv 'ach *Japan*Daq tuchlu'law'.
Doj yav lupwI' patchaj. nom jaHqu'bogh lupwI' lughaj. peng-lupwI' ponglu'.
pIj peng-lupwI' vIlIgh 'ej vItIvqu'.
wa' Hogh pIq jIlengqa'. ngugh *Wales* vIghoS.
jIleng 'e' vItIvqu'ba'.