tlhIngan-Hol Archive: Fri Feb 22 19:39:28 2002
[Date Prev][Date Next][Thread Prev][Thread Next]
chuS'ugh vIchenmoH
- From: [email protected]
- Subject: chuS'ugh vIchenmoH
- Date: Sat, 23 Feb 2002 00:39:27 GMT
cha'Hu' chuS'ugh vIchenmoH. nuq 'oH chuS'ugh?
may'ron 'oH 'e' Har 'op 'ach qarbe'. HurDagh 'oH. vagh tlhegh ghaj. rutlh 'ay'
chenmoHmeH, Sor Hap lo'. baS rur lo'lu' je'. rar. vaj chenmeH wa' rutlh, Sor
Hap, baS je lo'lu'.
rutlhvam yuvtlhe' chenmoHmeH, Ha'DIbaH DIr lo'lu'.
rutlhvam DopDaq rur naQ tIq. tlhegh pangmeH, jIH nIHDaq roD vISIq 'ej rut vISen.
vIpangtaHvIS jIH poSDaq tlheghmey vI'uy. naQDaq tlhegh vIHotmoH. vaj vIHbogh
tlhegh 'ay' vIrunmoH 'ej QoQ vIpep. yu, bIm, 'egh, loS...
chuSchu'! 'ey! jIHem.
vaghHu' bangwI' lengchoH. *Las Vegas* Such. DaHjaj ram cha'maH wejvatlh loSmaH
rep chegh. tugh matlhejqa'. vItlhejqa'rupchu'.
HutleS vISaw. vISawrupchu'. QIt mujuS poH.
charghwI'
'utlh