tlhIngan-Hol Archive: Thu Feb 21 17:12:37 2002

Back to archive top level

To this year's listing

[Date Prev][Date Next][Thread Prev][Thread Next]

RE: A -moH suggestion

HuvtaHQo' muD. puvlaH 'op ghotI'. puvlaH 'op *squirrel*. puvlaH 'op ghew. reH 
puvtaH vay'. ghu' DubmeH Ha'DIbaH, HachchoH tel. nap.

SuplaH wa' Ha'DIbaH. SuplaHchu' latlh. bej Ha'DIbaH be'. ngaghmeH wuq be'. 
SuplaHchu' puqpu'Daj. mobtaH SuplaHchu'be'bogh Ha'DIbaH. nIteb Hegh.

vaj chen bo'Degh.



> SuStel:
> > It's like the (possibly fallacious) argument about the 
> > evolution of birds' wings.  The argument goes something 
> > like this: they started out with legs, and ended up with 
> > wings, so supposedly there must have been an intermediate 
> > stage when they had semi-developed wing-legs.  They 
> > couldn't fly with these, so why would they end up as 
> > wings at all?
> QInlIj potlh buSHa' QInwIj, 'ach jISaHbe'. tlhIngan Hol vIlo' vIneH neH.
> qatlh chen bo'Degh telDu'? qen nger Daj vIlaD. ben law'qu', bo'Degh no' 
lutu'lu' net Sov.
telDu' Hutlh 'ej puvlaHbe'ba'. qaStaHvIS DIS law' QIt bo'Deghna' mojchoH. 
bo'Degh qempa', lI'be' telDu' net Har, 'ach Qoch ngervam.
> 'uSDu' ghajbej 'ej qetlaH bo'Degh no'. Sormey toSlaH je 'op bo'Degh no'. net 
qettaHvIS 'ej toStaHvIS Ha'DIbaHvam, DeSDu'chaj pepchugh vaj loQ ngeDchoH Qu'. 
Ha'DIbaH 'ej loQ tISchoHlaw', pepmo' muD. DeSDu'chaj jaqmoHchugh vaj loQ 
meqvammo' lI' telDu' Dabogh DeSDu'. vaj beQchoH 'ej tInchoH telDu'vam lutlh.
HachchoHtaHvIS Ha'DIbaH, QaHmo' telDu', vaj HachchoH je telDu'. toSmeH 
potlhchoH telDu'
'ej ramchoH pachDu'. chaq wa' jaj toStaHvIS wa' Ha'DIbaH bong Sor Hotbe' 
pachDu' 'ach
telDu'mo' toStaH 'e' tu', 'ej puvbogh Ha'DIbaH wa'DIch moj.
> puvmeH chenbe' telDu'. Sor toSmeH chen telDu', 'ej chentaHvIS, bong Ha'DIbaH 
puvmoHlaH je.

> pagh
> SKI: pagh expounds on an evolutionary theory about the development of wings.

Back to archive top level