tlhIngan-Hol Archive: Sun Feb 17 10:54:51 2002

Back to archive top level

To this year's listing



[Date Prev][Date Next][Thread Prev][Thread Next]

RE: jaS jIchegh



> -----Original Message-----
> From: Bartholomew Barker [mailto:[email protected]]
> Sent: Saturday, February 16, 2002 6:47 PM
> To: [email protected]
> Subject: Re: jaS jIchegh
...
> > > DaHjaj wej Sajmey toD. (Human Sajmey motlh bIH. vIghro' rurbe'.)
> >
> >jaqHa' Ha'DIbaHvam, qar'a'?.
>
> jaqlaH Sajmeyvam. rut 'avmeH Sajvam qeq Human. matlh mutvam net Sov.
> "Human jupna'" ponglu'. Do'Ha' rut SajvaD jupna' Dabe' Human.

tlhoy Qorgh'egh neH Humanpu'.

> > > wej ben vengvam vISuch. pa' molyotlh 'IH tu'lu'.
> >
> >lommey QorghtaH Humanpu' net Sov. Dogh. qa' Daq vISovchu'be' 'ach lomDaq
> >ghaHbe'ba'. lom vISaHbe'. Ha'DIbaH Soj 'oH. nIn 'oH. veQ 'oH. He'So'.
> >latlhpu'
> >ropmoH 'e' botmeH molnISlu' 'e' vISov, 'ach tI 'IH poQ'a' lommey?
> >
> >Dogh.
>
> jIQoch. HeghwI' quvnISmoH 'ej qawmeH Dochmey poQ Human. molDaq
> nagh Hew joq lan.

Dat qa'pu' vIquvmoHlaH. ram lom. ram mol. muqawmoH lutmey Dun, bommey Dun
je. qechmey rur. ram Daq.

> molyotlhDaq jIyIt 'e' vItIv. no'wI' vIquvmoH je 'ej vIQul.

may'yotlhDaq jIyIt 'e' vImaS. pa' qaSpu' wanI' quv. may'yotlh potlh law' mol
potlh puS. chaq may'yotlh Such qa'. qatlh mol Such qa'? pa' lom neH tu'lu'.
ram lom.

> muHemmoH vavwI'.
> muHemmoH vavnI'wI'. muHemmoH vavnI'wI' vav...

bIDo'ba'. jIH muHemmoH pagh. jIHemchugh jIHem'eghnISmoH. chaq loQ muHemmoH
bangwI' jupwI'pu' je. muHemmoHbe' no'wI'.

> qen jIghIQtaHvIS, bong molnagh qan vISam.

chay' bong DaSamlaH? ghaytan Datu' neH. DaSamchugh vaj Danejpu', 'ej
Danejchugh bong Datu'be'. chIch Danejpu'chugh, vaj DaSam. Danejpu'be'chugh
DaSambe'. vaj molnagh Datu'.

> molDaq molnagh lanbe'lu'pu'.
> wa'vatlh loSmaH jav ben be'Hom Qupqu'vaD chenmoHlu'pu'. qatlh molDajDaq
> naghvam lanbe'lu'? jISovbe'. vIje' 'ej DaH juHwIjDaq molnagh tu'lu'.

Hegh vay' Daghovbe'bogh. yInDaj DaSovbe'. tuqDaj DaSovbe'. mol Daq DaSovbe'
'ach molnagh DaSaH. taQ ghu'vam. vIyajlaHbe'.

Hegh Hoch. ram HochHom. tugh lulIjlu' 'ej lulIjchoHlu'DI' reH lulIjtaH.
qay'be'. qatlh tu'HomI'raH qawnISlu'?

DaH jIyIn. potlh. jIHeghDI' tugh vIlIjlu' 'e' vIpIH. jISaHbe'. chaq latlh
wo' vIghoS 'ej wo'vam vIlIj. chaq vImev neH. jISovlaHbe'. qaSDI' muqaD ghu'
'ej jIvang. jInabbe'. qatlh ghu'vaD Sovbe'lu'bogh naDluH? ghaytan muqawchugh
pagh mulIjchugh, jISaHbe'.

> http://www.ntplx.net/~bbarker/LauryAnn.htm
>
> (lut vIqontaHvIS DIvI' Hol vIlo'. chaq SoHvaD mugh juplI'.)

ghaytan be'Hom mol nagh Delbogh lut vISaHbe'.

> > > >Do' DuSambe' jeghlI'.
> > >
> > > Qobbe'. muDech juppu'.
> >
> >maj.
> >
> >juppu' potlh law' Hoch potlh puS.
>
> jIQoch. batlh potlh law' juppu' potlh puS.

quvchugh juppu', vaj qaDbe' wIvvam. rap batlh He, juppu'vam He je.

> > > bIQuptaHvIS, bIngotlh'a'?
> >
> >qaStaHvIS wej jar jIngotlhlI' 'ach SoS vISuchDI' bo'Degh mIQ SoSwI' 'ej
> >*potato
> >salad* vut. bo'Deghvam, *potato salad* je Sop latlhpu'. *potato
> salad* neH
> >vISop. jIpujchoH. loQ jIropchoH.
> >
> >*potato salad* neH Soplu'chugh pIvlaHtaHbe'. jIngotlhHa'choH.
>
> 'ong SoSlI'. bo'Degh mIQ *potato salad* je vI'omlaHbe'. jIghungchoH.

bo'Degh mIQ vIpar. vISopqang, 'ach vImaSbe'.

charghwI'



Back to archive top level