tlhIngan-Hol Archive: Thu Feb 14 17:13:42 2002
[Date Prev][Date Next][Thread Prev][Thread Next]
Re: jaS jIchegh
jang charghwI' 'utlh:
> > wa'Hu' choS Qe' vIghoStaHvIS, chal Huv vIHotlh. boghpu' maS chu' 'e' vISov.
> > qaStaHvIS tup law', jInej. DujHom vItlhe'moHtaHvIS, pay' Sormey jojDaq maS
> > vISamta'. langqu'qu'. Dalegh'a'? 'IHqu'.
>
>vIleghbe'. qen bogh maS chu' 'e' vISov 'ach maSvam lang vInejbe'. Hur
>vIratlhbe'. qaSpa' choS, mI'meH qep vIghom. cha'maH wa'vatlh rep juH
>vIghoSchoH. mutlhej bangwI'. chal vIbuSHa'. mInDu'Daj HewIj ghap vIbuS.
maj. bangwI' mInDu'Daq maS vIleghDI' jISeychoH.
chay' DaHjaj Sulop? ghaHvaD yuch Daqeng'a'?
bangwI'vaD bangjaj nob vInobta'. wa'maH wejHu' leSpoHHom vIDIl.
Sajmey toD bangwI'. toDbe'lu'chugh, Sajmey HoHlu'. mu'ItmoH ghu' 'ach
vangchu' bangwI'. muHemmoH.
toDwI'pu'vaD qep tu'lu' 'ej jeSmeH bangwI' vIDIl. puHlIj monDaq qaS qepvam.
vengvaD rIchmonDI' ponglu'. (HuDmIp?) Hopbe' SoH vengvam je, qar'a'?
qep tIvqu' bangwI' 'ej qaStaHvIS loS jaj jImob 'e' vItIv.
> > Qe'Daq maghom jIH vumwI'pu' je. maSoppa', HIq wItlhutlhba'.
>
>pIj HIq vItlhutlh. reH HIq tlhutlh HochHom tlhInganpu' net Sov, 'ach HuvtaH
>yabwIj 'e' vImaS. reH Suvrup SuvwI''a' net Sov.
jIchechchoH 'e' vIHechbe'bej. jIpujchoHlaw'.
> > loQ jIchechchoH.
> > tlhIngan Hol vIljatlhlaH 'e' Sovbe' jup chu' vaj jI'agh. HIvje' vIpep 'ej
> > pe'vIl jIjatlh <<'IwlIj jachjaj!>>. tamchoH Qe'.
>
>nIHo'ba'. nIghal. vaj tamchoH.
DaQIjchu'.
> > ghotI' 'ey vISop 'ej jIyon. pItlh.
>
>maj. ghotI' vItIv 'ach roD naH neH vISop. rut ghotI' DISop bangwI' jIH je,
>'ach
>not Ha'DIbaH Sop bangwI' puqbe' ngotlh 'ej Sopchugh latlhpu' bep puqvam.
jIQuptaHvIS not Ha'DIbaH vISop 'ej jIngotlh. 'a DaH jIqan. rut Ha'DIbaH vISop
'ej vItIv. jIngotlhHa'.