tlhetlh ghu' Sagh (was Re: peD)

[Alan Anderson <aranders@netusa1.net>]

ja' charghwI':
>megh wISopDI' bangwI' jIH je, tlhogh Qebmey wIje'. *joint checking account*
>macher je. SaghchoH ghu'.

Sumatlh 'e' lu'oS Qebmeyvetlh, qar'a'?  Sawta'wI' Degh vItuQchu'.  not
vIteq.  not!  qaStaHvIS wa'maH Hut DIS QebwIj Hot DIrwIj.

'ach Hoch Huchmaj wItay'moHbe' jIH be'nalwI' je.  munay'moH ghaH, qorDu'
Huch wIqelchu'.  wIchevHa'chugh, ngoy' 'Iv?  ngoy'nISchugh cha', ghaytan
ngoy'chu' pagh.  'ej HochHom vIbajmo' jIH, vay' je'pa' be'nalwI', chaw'wIj
nejnISlaw'.  vaj wIwavHa'be'.

DaH juH vIDIl jIH.  roD Soj DIl ghaH.  vay' vIneHchugh, vIje'.  vay'
neHchugh ghaH, je'.  maSutlhnISbe'.  mavuvchuqmo' 'ej mawuvchuqmo', Doch
wagh je'lu'pa' maja'chuqbej.  yapbe'chugh joDaj Huch wIQay'laHba'.  Doch
potlh wIje'meH rut HuchDaj wIlo'.  'ej HuchwIj naw'laHqu' ghaH, 'utchugh.
'ach "checkbook" pIm DIleH.

-- ghunchu'wI' 'utlh

SKI:  Joint checking *is* serious, but not essential to a marriage.