jIcheghpu' 'ach jIDach

[Alan Anderson <aranders@netusa1.net>]

De''a':  Heghbe'ta' be'nalwI' vav.  ropqu' 'ach yIntaH.  chorgh Hu'
ghIQchoH qorDu'Daj tay'; chaq 'e' DaSov.  Caribbean-Daq maqugh.  rInpa'
Hoqma' Quch, tlhoS lot wISIQ.  cha'Hu' tlhoS Hegh ghaH, qughDujDaq Miami
wIcheghpa'.  chaq mISchoH ghaH 'ej Hergh 'Iq ghup; chaq 'IqchoH Hergh
motlh, tISqu'chopu'Hmo' porghDaj.  'ach ram meq -- tlhoy vI'mo' Coumadin,
reghqu' burghDaj.  QaDqu'choH 'aDDu'Daj.  QapHa'law' mavje'Daj; SuD mInDaj
DIrDaj je.  DaH ropyaHDaq loQ pIvqa'lI' -- 'ach not pIvqa' ghaH net
Sovchu'.  tugh Heghbej; buptaH porghDaj.  wa' wanI' neH wItul:  qaSpa'
Hogh, Indiana-Daq tatlh'eghmoHlaH.  naDev Sum Hoch puqpu'Daj 'ej ghaH
be'nalDaj je DIQaH wIneH.  DIboQ wIneH.  DIQorgh DIneH.  DISaH.

HeghlI'wI'mo' ma'IQba', 'ach ghu' wIlajlaH 'ej wISIQlaH 'e' wIHar.
be'nalDajmo' ma'IQqu' -- HeghDI' loDnalDaj, chIl'egh je ghaH 'e' Haj.
puqpu'Daj poQqu'.

DaH law'taH Qu'meywIj.  jIjawlaHbe'.  ghoqIm 'e' neH vItlhob.