tlhIngan-Hol Archive: Tue Aug 13 14:48:05 2002
[Date Prev][Date Next][Thread Prev][Thread Next]
Re: lengwIj
- From: "David Trimboli" <[email protected]>
- Subject: Re: lengwIj
- Date: Tue, 13 Aug 2002 15:47:40 -0400
>From: "sydneygb" <[email protected]>
>ngugh *pizza wISop. Soj wIDIlnISbe'. wen law'
>SuStelvaD nav nob jupDaj. Qe' Soj nunob ra' navvam. 'ach
>ngaSwI'mey cha' nunob! tlhoy Soj wIghaj! Hoch
>wISoplaHbe'ba', vaj juHwIjDaq vIqem.
taQbej ghu'vam. wen law' jIHvaD je'meH nav nob nob jIlwI', De'wI'Daj
vItI'mo'. *Rosa's Pizza*Daq vIlo'laH. cha' *pizza* mach DIl. maj.
*pizza* wISop wIneH jIH *jIqel* je, 'ej not navvetlh vIlo'laHpu'. DaH
vIlo'laH! maj!
Qe'Daq wIjaH. tebwI'vaD jIjatlh <cha' *pizza* mach DIneH. DIDIlmeH navvam
wIlo'. ngo' 'a vIlo'laH, qar'a'?>
van nuD tebwI'. jang; jatlh <qar.>
*cheese* latlh neH jIqel 'ej *pepperoni* vIneH jIH. <latlh Huch wIpoQ
*topping* boneHchugh.>
jIjang; jIjatlh <'e' vIpIH. qay'be'.>
ghIq *pizza* luvutchoHlu'. qaStaHvIS wejmaH tup *Sam Goody* wISuch jIH
jIqel je. ghIq Qe' wIchegh.
*toppings*, 'awje'qoq je DIDIl. 'ej maHvaD cha' *pizza* tIn, *garlic*
moQHom je nob! Dochmeyvam DIDIlbe'bejpu', 'a DIHev!
maval; pagh wIjatlh. Sojmaj wItlhap 'ej ghIq mamej. yaHwIj wIghoS 'ej pa'
Sojmaj wISop.
tlhoy tIn *pizza*. 'Iq Soj! *pizza* mach DISop 'e' wIpIH, 'a *pizza* tIn
DIHev!
vaj 'op *pizza* 'ay'mey DISop 'ej matlhutlh. ratlhbogh 'ay'mey DIpol.
wej *pizza*wIj vISop rIntaH!
SuStel
Stardate 2616.9
_________________________________________________________________
MSN Photos is the easiest way to share and print your photos:
http://photos.msn.com/support/worldwide.aspx