yaS wa'DIch jIH

[Qov <qov@direct.ca>]

yaS wa'DIch vImoj.  javHu'  Duj chu' vIpuvchoH.  qaStaHvIS jav rep 
mughojmoHlI' HoD'a'. chach mIwmey, mIwmey motlh je DIqeqlI'.  cha'Hu' 
DujvamvaD jI'umchoH.   wejleS raQpo' vIHIjchoH.

tlhotbogh Duj 'oH. wa'maH chorgh raQpo' HIjlaH.  cha' QuQ lo'. ngeDbe' 
puvmoHmeH Qu'.   bIQDaq Degh Hutlh. bIQDaq tlhe'meH, QuQ HoS 
vIpImmoH.  tInchoHpu'DI' Do, muD Degh vIlo'laH.  HIpwIj vIHevpu'DI', 
tlhIHvaD Duj, jIH je 'oSbogh jabbI'ID vIlI'.

Duj luvo'meH, muD yuv DIngbogh naQmey.   DaH naQmey DIngmoHbogh QuQmey'e' 
vIDel 'e' vInID.  QuQ 'o'Daq 'el muD.  muD 'uytaH loS DIngbogh ghomey.  'uy 
gho wa'DIch, 'uyqa' cha'DIch, ''uyqu' wejDIch, 'uychu' loSDIch.  muDvam 
beQDaq 'el nIn.  QuQ DIchu'DI' nIn wImeQmoH.  meQtaH QuptaHvIS QuQ.  meQmo' 
nIn, muD je, Sachqu' SIpmey.  cha' HoS ghomey DIngmoH Sachbogh 
SIpmey.  'muD uybogh ghomey DIngmoH HoS gho wa'DIch.  DIngbogh naQ DIngmoH 
HoS gho cha'DIch.  QuQ Dopvo' mej SIp tuj, 'ej loQ Duj luvo' SIpmeyvetlh.

SKI: twin turbine transport