tlhIngan-Hol Archive: Thu Sep 13 02:02:16 2001
[Date Prev][Date Next][Thread Prev][Thread Next]
Re: jIqar qar'a'?
- From: Andrew <[email protected]>
- Subject: Re: jIqar qar'a'?
- Date: Wed, 12 Sep 2001 23:51:41 -0700 (PDT)
batlh ghItlhta' ghunchu'wI' quv:
>>"Qagh" wa' 'ay' neH choHlu'DI', "Qugh" tu'lu'.
>>"pIch" bejlu'chugh, Sumbej "pIgh".
>
>Hu'tegh. cha' Hu' QInvam Dalab. wa' Hu' Qugh pIgh je DISIQchoH.
>loQ leSSovHeylIj vIvan.
choquvmoH, 'ach leSSov vIghajbe'. leSSovna' vIghajchugh vaj Qughvetlh
vIbotta' 'e' vInID. tagh noH 'e' vIHar, wa'Hu' po Qughna' vIbejtaHvIS. 10:30
jIvem, tugh pIghDaq pum qach'a'mey, jIHDaq 'e' vIbej. leS nem ghap 'op wanI'
SovlaH vay', Qubqu'chugh, 'ach pIjHa' qarlaH Sov. vaj HIvmeH Daq poH je
Sovbe'lu'taH, HIvpa' SorghwI''a'pu'.
toH, wej Seghvam lot'a' lutu'pu' tera'ngan. wej puHna' HoSghajqu' HIvpu'
QI'Hom tlhab. DaH bortaS chavtaHvIS USA, puH chut pabnIS. 'ach maybe',
pabnISbe' HIvwI'pu' wa'DIch. vaj, So'bogh jaghmey jeypa', vay' puH
QojnISlaw' chaH. ghaytan Afghanistan luQojnIS. pIch ghaj bin Ladin, De'Hom
De' De''a'mo' lIqlI'bogh FBI net Har.
latlh lalDan vIvuvbej, 'ach ngotlhbej QI'Homvetlh jay'. lalDan batlh joq
lobbe'chu' chaH, qoj Dapvo' lalDan qechmey chenmoH neH. Arab puHmeyvaD
ta'mey vIDmo' pIch ghajbej USA, 'ej luparba', 'ach luQojqangbe'law'
puHmeyvetlh. wa'maHlogh wa'Hu' lotmo' Heghbogh ghot law' HoS, wejmaH ben
Hoch lotmeymo' Heghbogh ghot law' puj.* USA ngan HoH ra' bin Ladin QI'Hom
lalDanqoq, 'ej USA rewbe'pu' chunvaD jochqang chaH, 'ach Arab rewbe'pu'vaD
jochbe'meH yepnIS USA QaS 'e' poQ Hoch puH. vaj bong Qatlh ruv Qu'.
HoSghajqu' USA, 'ach 'ongqu' SorghwI''a' QI'Hom. ngochmey law'
luchoHnISlu'law'. Afghanistan qumvaD pung vItung jIH. bin Ladin luQantaHvIS,
HeSchu' chaH. (latlh HeSmeymo' DIv je chaH, 'ach qunchaj boqImlaH.)
jaS Arab rewbe'pu'vaD pung vInobqang, 'ach napbe'ba' ghu'. pIj ghoHchuq
chaH, 'ej Arab puHmey DatHom yIn motlh lubotchu' 'op vIDwI', 'ej Do'Ha'
chepbe' chaH. 'a USADaq ghu'vam vID luDanmoH je net cherghQo'.
jImIghlaw', rut net pum. wejpuH, HISlaH, rut jIralqang, 'ach jIralmeH jImeq
neH. ruv batlh joq neH vIchavmeH jISuvqang. DaH New YorkDaq Washington DCDaq
je rIQtaH ghot law'qu'. qo' Sepmey law' Dab ghotpu'vam no'. Arab tuqvo' chaH
'op'e'. rIQtaH 'e' lubejDI' HeSwI'pu', lopba'taH, America ngan muSHa'qu'mo'.
taHbe' America mIwmey tIghmey je 'e' luHech chaH, 'ach Dejbe'mo' puHmaj, luj
chaH. 'e' lutlhojjaj. taH Baseball, Emmy je, NYSE je, 'ej bortaS'e' neHqu'
America ngan, 'e' lutlhojjaj je HeSwI'. taHHa' yIn motlh, qoj mIStaH, qoj
QomtaH, 'e' lunab Hoch SorghwI''a'. vaj tIqmaj DI'angmeH chIch taHchu'
yInmeymaj 'e' wIraD. wIghIjbe'lu'.
Qaghlu''a'? ghobe'. poH nI' HoH luHech jagh, 'ej leSchoHpa' Hungmaj, tuvlI'
chaH. 'ongqu'. 'a not leSqa' Hung: toH, SorghwI''a' ghaH veqlargh'e'.
Qaghqa'lu'chugh, vaj jatlhnISlu'bejqu', "HIvqa' veqlargh".
toH, motlh tlhIngan Hol mu' tlhorgh lulo'lu'mo', tera'ngan Hol mu' vIlo'.
SuH, "real sick fucks" neH pIlmoH SorghwI' lot'a' 'upqu'. latlhDaq qo'Daq
pIj qaS SorghwI' lot. DaH bIHmo' jIQoSqu'. reH tIqwIjvo' pung lubaj rIQwI',
'a QeH lubaj HeSwI'.
* This is the only thing I didn't feel I could rightly express in Klingon.
It is "10 times as many people died in yesterday's (New York) attack as have
died in all terrorist attacks in Israel in the past 30 years." [
http://aish.com/societyWork/society/The_Madness.asp ] Not to belittle the
plight of the people who experience terrorism on a regular basis in the
Middle East, but it does put into perspective the extreme sentiment against
America.
Andrew H. Strader
http://www.cis.ohio-state.edu/~strader