tlhIngan-Hol Archive: Sun Sep 09 12:30:26 2001
[Date Prev][Date Next][Thread Prev][Thread Next]
laj (was Re: jaS bIpotlh
- From: Andrew <[email protected]>
- Subject: laj (was Re: jaS bIpotlh
- Date: Sun, 9 Sep 2001 10:19:28 -0700 (PDT)
batlh ghItlhta' nIchyon quv:
>nunaDchoHmo' Qovpatlh, machepchoH'a'? ghobe'. Holmaj Sorghmo' Duj ngaDHa',
>marIQ'a'? ghobe'. He lugh wIghoS, 'e' wIHonbe'; yap.
toH, QInmeywIj laD vay''e'!
Do' not Esperanto ngan San wISIQ, pImba'mo' puptaHghach'e' lunejlu'bogh.
lajHommey law' bIH lajmaj'e', tlhIngan tIgh, pab je ghojtaHvIS 'ej
parHa'choHtaHvIS tera'nganpu'. tIghghomna' lujeSmeH wIvlaHchu' labwI'. luja'
nughQeD 'op ghItlh Sagh, <<tera'Daq ja' 'op ghot, "tlhIngan jIH">>. vaj
ngu''eghmeH tlhIngan tIgh'e' luqelbej chaH; America, Germany joq, England
joq qelbe'chu'. reH Hov leng lutmey ngab qawmoHlaw' tlhIngan 'aH, 'ach
lajHom nobbej ghot law'. 'op ghot motlh vIjawtaHvIS, pIj lajHom lunob,
jIQIjta'DI'. not pIHlaw' je maw'taHghach.
Qatlhbe' Qu'meymaj, lajbe'chugh je tera' Hoch'a'. nuchepmoHba' Paramount,
'ej Do'Ha' wIwuv. toH, napqu'mo' tera'ngan qech Qat, chaq wIyajHa'lu'. lut
Daj luDalu'bogh, lalDan paQDI'norghna' wavnISlu', vaj net qap. 'ach vay' mIw
le' lulo'taHvIS, wItlh'eghchugh tlhIngan tIghghom, 'ej QatmeH Dachugh qoj
belmoHchugh chaH, taH Qu'meychaj, pagh, jaS SaghtaHchugh chaH, 'a tlhIngan
lutmey qImHa'choHmoHchugh Paramount, Esperanto ngan ben Sanmo' ghIq tlhIngan
ghomvaD ghumnISlu'.
Ha', pIm laj ngoQmaj, vaj 'e' vIqapqangqa'. SeQpIr Hoch lut
lumughqa'lu'ta'DI', 'ej latlh lalDanHomHey paqmey, lutmey noy joq,
wa'vatlhna' paqmey joq, (qaSpu'DI' poH yap, qaSbej je, vumqu'lu'bejmo'!),
lalDanna' paq mughlu'meH tlhIngan Hol lo'lu' ghIq net laj. 'a SoHmo' qaS
paghHey yol jay', Bible wa' neH paqHom Damughta'mo'. pIj Bible mughmeH
jInmolHey qImqu'moHDI' Proechel toDSaH, bepchoHtaH Human qImwI'pu' puS.
ghu'vam'e' not wIboQlaH. 'ach tInqu'chugh tlhIngan Hol paqghom, 'ej ghIq
Bible naQ nopHa'chugh 'oH, vaj bepbe'law' lalDan SaHwI'pu', 'ej lajna'maj
botqangbe' Dorn, latlh je. "laj" vIjatlhDI', wanI' loQ vuSlu'bogh vIqeltaH.
Andrew H. Strader
http://www.cis.ohio-state.edu/~strader