tlhIngan-Hol Archive: Fri Sep 07 06:44:40 2001

Back to archive top level

To this year's listing



[Date Prev][Date Next][Thread Prev][Thread Next]

HoSwIj vItlhuchpu'



qaStaHvIS ram Hoch, tlhIngan Hol vIbuS, 'ej qaStaHvIS pem neH, jaS potlhHey
vIbuS. meqmo' vIyajbe'bogh qaSlaw' wanI'vam, 'ach Do'Ha', ram Hoch
jIQongbe'taH. tugh mulotlhlaw' porghwIj.

jIngaDHa'laH, DaH pagh Qu'vaD jIngoy'nISmo'. ghorgh rIn ghu'vam? Su',
rInchoH, jIHvaD vumwI' chaw' chenmoHDI' rIntaH Iceland malja' tumna'. tlhoy'
loSmoH chaH, pagh Do' pay' murI'rup. (DaH jIghuH'a'? va, ghobe'.) USA tInmo'
law', Iceland tInmo' puS, pa' lumnISbe'lu', taHtaHvIS qum mIwmeychaj, vaj
jaS 'e' vItul.

'ach Qapla' vIchav rIntaH -- "ngem'a'Daq pIvantaH" bom'e' vImughta'. 'oHmo'
jIHemqu', 'ach leS poQlI' yab, 'ej leSpoH lI' yob. (toH, tlhoS tlhaQ, qar'a'?)

poH veb jIvemDI', "Guns 'n' Roses" ngotlhwI'pu' lalDanqoq vIwempu'mo',
vInuSqu'lu' je, 'e' vIpIHnIS'a'? wejpuH.

DaH pItlh mu'meywIj vI'anglaH je. QIn bIngDaq boleghlaH. lIbelmoHjaj 'oH.
tagha' QInvam vIrInmoHpa', yInraj De' vItlhob, pIj Do'Ha' Sutammo'.
yInrajDaq qaS nuq? nuq Segh SuvwI' tlhIHlI'? nuq bota'lI'? HIjatlh, vay'.

--ghuy'Do

  jI'IQHa'be'; toH, loQ jIQuch.
  pemHov woj ngaSwI' vI'uch.
  jIlI'be', 'ach nI'be' ghu'.
  pIq poH'e' tugh Do' wItu'.

                      -- qonta' Gorillaz, 2001, 'ej vImughta' jIH



Back to archive top level