tlhIngan-Hol Archive: Sun Oct 28 10:38:23 2001
[Date Prev][Date Next][Thread Prev][Thread Next]
Re: wo'Daq jIchegh
ja' Bart:
>ben puS jItlheDpu', 'ach DaHjaj jabbI'IDghomvaD jIghItlhqa'.
maj. bIcheghmo' maDo'bej. reH retlhlIj DaDelchu' 'e' vIqaw. maHvaD
bIratlhjaj!
>ngengwIjDaq bIrchoH muD 'ej DoqchoH pormey.
bIrchoHpu' je vengwIj. cha'Hu' pormey bI'chu' SuS'a'.
>wejleS naQ maS 'IH. maSvamvaD wamwI' maS lupong Sungpu'.
naDev jIjQo' muD Dotlh. ghaytan maS'a'vam luwaQ 'engmey.
>jIHvaD ramHa'. ramvam langqu'choH qo'mey chevbogh
>veH'e' net ja'. qul vImeQmoH, no'wI' vIquvmoH 'ej puqmeyvaD
>yuch vIjaD.
bIjech'egh 'e' DaHech'a'? chaq tlhIngan QuchwIj vItuQ. reH mubelmoH puq
qab yay', muleghDI'. cha' ben pIj "Trick or tre...ee!" vIQoy.
>tIqtaH DaQwIj 'ach DaH tera'ngan pongwIj vIlo',
tlhIngan pong Dalo'ta'bogh 'ej vISovbogh DalajHa''a'?
-- ghunchu'wI' 'utlh