tlhIngan-Hol Archive: Mon Nov 05 21:52:27 2001
[Date Prev][Date Next][Thread Prev][Thread Next]
Re: nughIQmoH Dujmey
> > ...pIm Seminole 'e' vIqawlaw'.
ja' Qov:
>bIlugh, jaS DIng Hoch vIj, 'ach jumbe'. roD ghu'vetlh. jum PA23.
[roD ghu'vetlh? bIngDaq yIlegh]
toH, ngotlhbej SovwIj tIQ. muD Dujmey vISaHtaHvIS, chu'qu' Seminole 'ej
pIm. motlhbe' nIH QuQ; qub DIngmeH lurghDaj.
cha'maH vagh ben <QuQ potlhqu'> qech vIghoj. cha'logh potlhqu' Aztec poS
QuQ. mevchugh QuQvetlh, qaS cha' Seng. mevba' poS vIj (mu'vam vIlajchu').
'ach mev je taS HoS rIHwI'. mevDI' poS QuQ, Saqjan raQnISlu'. "flaps"
raQnISlu'. Qatlhqu' ghu'.
>...nIn Huch wavqangwI'pu'
>vISamchugh, qepna'Daq Aztec vIpuv vIneH. Hoch nIn vIje'nIS jIH, ghaytan
>Cesna 172 vIlo'. 'ojqu' Aztec.
jIQochbe'. vaghvatlh vaghmaH vagh tlho'ren nIn ngaS Aztec. qaStaHvIS jav
rep nIn Hoch natlhlaH. 'ach qaStaHvIS jav rep wa'SanID qelI'qam lenglaH!
7 miles per gallon. 35 liters per 100 km. Dojbe'law'. Doj Do'e'.
> > ...Duj yaH 'oHbe' ghochmaj'e'. :-)
>
>loQ jIyay'. USADaq Dat SaqmeH Daqmey tu'lu'law'!
qorDu' juHDaq tu'lu'be'. :-P ghochna'maj wISIchmeH, lupwI' wIlo'nIS pagh
yav Duj wIngIpnIS pagh nuHIjmeH jup wISujnIS. Hoch tepmaj wIghajlaHmo',
lI'qu' minivan-maj. latlh Seng vIchIDnIS je -- Duj machDaq mapuvtaHvIS,
puch tu'lu'be', 'ej napbe' yevlI'ghach. jIloSlaH jIH'e', 'ach laHwIj
luHutlh be'nalwI' puqloDwI' je.
>jIqeqnIS jay'. jIDIS: DaHjaj jIqontaHvIS mu'ghom vIlo'.
mu'ghom lo'meH mIw DaSov. pab DaSov. qeqmeH 'eb DapoQlaw' neH. 'ebvam
'oHba' Farpoint-'e'.
>jIQaghchugh HIlughmoH. ghaytan QaghHom 'oHbe'. jIlIjtaH.
wa' Qagh vItu': [roD ghu'vetlh]
wot 'oHbe' <roD>'e'. chaq <motlh> Dalo'pu' DaneH.
-- ghunchu'wI' 'utlh