tlhIngan-Hol Archive: Mon Nov 05 19:53:35 2001
[Date Prev][Date Next][Thread Prev][Thread Next]
Re: nughIQmoH Dujmey
- From: Qov <[email protected]>
- Subject: Re: nughIQmoH Dujmey
- Date: Mon, 05 Nov 2001 17:45:09 -0800
lab ghunchu'wI':
> ja' Qov:
> >...wa'logh Duj pImvo' SoDbej nIn 'e' vIlegh...
>
> maj. lutmey Dun boSbej puvwI'na'.
reH Daljaj Hoch lutwIj. lutmey Daj vIjunmeH, SengHom vItu'chugh,
jIpuvbe'. lutmeyqoqwIj rInmoH wa' mu'tlhegh: <qay'mo', ngugh jIchegh>
<qay'laHmo' jajvetlh jIpuvbe' 'e' vIwuq>
> Albuquerque DaSuchpu''a'?
AlbuquerqueDaq maSaq, HurghtaHvIS. po matlheD. SaqmeH Daq, Qe', meb pa'mey
je neH DISuch.
> Qov, Saqjan Dachu'pa' DaSaqchugh, SoHvaD bom'a'
> vIqonbej.
not bomvetlh Daqonjaj. not vIQoy vIneH.
> >... PA44-180T (Piper Seminole) 'oH Duj'e'. cha' QuQ.
> Segh vIghovlaw'. jum wa' QuQ, qar'a'? roD wa' lurgh
> ghoS Hoch vo'wI'Du',
> DIngtaHvIS. 'ach pIm Seminole 'e' vIqawlaw'.
bIlugh, jaS DIng Hoch vIj, 'ach jumbe'. roD ghu'vetlh. jum PA23.
> PA23 (Apache) PA23-250/PAZT (Aztec) je vIlIghta'.
> nIteb Aztec je' vavwI'.
toH! Duj quvDaq bIlIgh. *Apache*vaD loQ puj Apache QuQ, 'ach Dun
Aztec. qaStaHvIS loSmaH rep PA23-250B vIchIj jIH. nIn Huch wavqangwI'pu'
vISamchugh, qepna'Daq Aztec vIpuv vIneH. Hoch nIn vIje'nIS jIH, ghaytan
Cesna 172 vIlo'. 'ojqu' Aztec.
> pIj loQ bep be'nalwI'. jatlh <qatlh Duj wIghajlaHbe'
> maH? lengmey ngajmoHbej. law' lengmeymaj, 'ach roD
> QaHchu'be' muD Duj. Duj yaH 'oHbe'
> ghochmaj'e'. :-)
loQ jIyay'. USADaq Dat SaqmeH Daqmey tu'lu'law'!
> matay'taHvIS Farpoint wIyotlaH!
jIqeqnIS jay'. jIDIS: DaHjaj jIqontaHvIS mu'ghom vIlo'. jIQaghchugh
HIlughmoH. ghaytan QaghHom 'oHbe'. jIlIjtaH.
> July, taghpa' qep'a' HutDIch, Wyoming HuDmeyDaq maghIQ
> jIH be'nalwI'
> puqloDwI' je. ngemDaq SuQongqangchugh, ghomuv. 'IHqu' > Sep (Qo'noS
> QonoSvaD vIDelnIS). Sumqu' Jackson. Supuvchugh, yavDaq > SaHIjlaH.
WyomingDaq SaqmeH Daq Dajqu' tu'lu'. Greater Green River Intergalactic
Spaceport ponglu'. jIqIDbe'. wa' jaj pa' jISaqnIS. ghaytan <Greater Green
River Intergalactic Spaceport> Dalab 'e' DatIv. Hoq vInabnIS. lam neH
'oHmo' SaqmeH Daq'e', pa' Seminole vISaqmoHbe'. Daqmey letDaq vIlo' 'e'
vIlay'.
SKI: Who wants to ride across the country in the airplane that looks more
like a Klingon warship than any other?