tlhIngan-Hol Archive: Sun Nov 04 22:08:10 2001
[Date Prev][Date Next][Thread Prev][Thread Next]
Re: nughIQmoH Dujmey
- From: Qov <[email protected]>
- Subject: Re: nughIQmoH Dujmey
- Date: Sun, 04 Nov 2001 19:59:44 -0800
lab ghunchu'wI'
> ja' Qov:
> >lutvam vIqontaHvIS jIvIt.
>
> qaHar vIneH, 'ach muSuj wa' ngoDHey Damaqbogh.
>
> >...Duj bIngDaq jIQot, tel vInuD. telvo' SoD nIn.
>
> SoD'a'? bo'Dagh'a' Dalo'law'. nIj neH nIn 'e'
> vIlajrup.
jIlach. qaStaHvIS poH ru', mu' <nIj> Hutlh mu'tay'wIj. lotHomvetlh
DatI'ta'. loS Daqmeyvo' nIj nIn. wa' Daq bIngDaq, qaStaHvIS wa' tup, 15 mL
muq nIn vIboSbogh. qaStaHvIS wa' ram pum 11 *US-gallon*mey. nIj.
wa'logh Duj pImvo' SoDbej nIn 'e' vIlegh. HurghtaHvIS ram, HuD DungDaq
jIleng. chu' Duj QuQ. ghochwIjDaq jISaq. QuQ vIchu'Ha'DI', Duj baghmeH
jIyongHa'. yIQchoHlI' DaSmeywIj bIng yav. SISbe'. Duj 'et bIng
vItu'. QuQvo' SoD nIn jay'. Sumbogh Duj lISlI' pInwI'. pongwIj
jatlh. jatlh <HIghoS, HIboQ>.
jIjatlh <Qo'! HIghoS SoH! yIlegh!>
jIpuvtaHvIS nIn vIchIllaw', 'ej meQchoHlaH nIn ngaSbe'lu'bogh. HuD
HurghDaq meQbogh Duj vISaqnIS vIneHbe'chu'.
chol pIn. Seng ghov. QuQ Dachu'Ha'DI' ghoSbe'choHbe' nIn. Duy'law' nIn
muD je DuDmeH pa'Hom. jatlh yIleS. bIpuvtaHvIS narghbe' nIn.
> ('ej muSIvmoH ngoDHey cha'DIch: 'eSlaw' Duj tel. Segh
> vISov vIneH.)
HIja'. 'eS tel. PA44-180T (Piper Seminole) 'oH Duj'e'.
cha' QuQ.
> >...DaQIHbe' SoH jatlh jupwI', loDnalwI' je.
>
> wa' nuv ghaH qar'a'? :)
jup ghaH loDnalwI''e', 'ach ngugh nutlhej jup wISuchta'bogh.
> >...Qop nIH nIn ghoSmoHwI'.
>
> Do'Ha' ghu', 'ach qanaDnIS. jan'e' Dapongbogh SIbI'
> vIyaj.
chonaD 'e' vIlaj, 'ach choyajmeH SoH pIj 'utbe'law' mu'mey. :)
> >... wa' ghoSmoHwI' QapmoH QuQ'e'. latlh ghoSmoHwI'
> > QapmoH 'ul'e'.
>
> chaq lI' mu' pIm: wa' rIH QuQ. latlh rIH 'ul.
qaq rIH. yajmeH qaq je.
> >jIQuch. Duj 'IH vIQIHbe'pu'. Qop neH.
>
> 'ach qatlh QopchoH DapuvtaHvIS SoH?
choqotlh. jumlu'DI' QopchoHlI'. vIghongbe'.
> SughIQqa' 'e' bonabchugh 'ej ghoch tuj boneHchugh,
> tujbej Indiana summer.
> tIn juHwIj chu'. pa' bongIplaHbej.
lengvetlhvaD pISuch 'e' vIqel. He navDaq *Indiana* vISam. Sep tuj neHmo'
loDnalwI', tIng vIwIv. qaSuch 'e' vIHech. chaq qepHom wIchenmoH.
*USA* 'ev Dab 'Iv? ghunchu'wI' vISuchmeH, Washington, Idaho, Montana,
South Dakota, Iowa, Illinois je vIjuSnIS. muD Dujmey mach boHajbe'chugh
SajollaH.