tlhIngan-Hol Archive: Sat Nov 03 11:41:41 2001
[Date Prev][Date Next][Thread Prev][Thread Next]
Re: norgh DungDaq Suppu' *'entepray'* much
jatlh Qov:
> nuqjalth? norgh DungDaq Sup vay'? English vIttlhegh
> vImugh. boyajbe'chugh, http://www.jumptheshark.com/ yIlaD.
"Jump the shark" vIQoybe'pu', 'a jIQochbe': norgh DungDaq Suppu'
<'entepray'>.
> much bom vIparHa'. taghtaHvIS much qunHom vItIv. *Yuri Gagarin*
Hutlhbej,
> 'ach chaq *Gagarin* lughovlaHbe' *America*ngan.
HochHom logh lengwI' qabDu' vIghovlaHbe', 'a pongmey vIghovbej. latlh
*America*ngan? jISovbe'.
> SaS T'Pal. vulqangan qa' HoS Hutlhlaw'. vulqanganvaD He'So' Human 'e'
> vItIv. qa'Daj SeHchu'be' T'Pal. bovvetlh vulqangan Sagh law' bov chu'
> vulqangan Sagh puS 'e' vIpIH, 'ach puj vulqangan qa'Daj. chay' HoSghaj
> vulqangan? SovDajmo' HoSghaj. Sov'eghmo' 'ej SeH'eghmo'
> HoSghaj. vulqangan mISmoH qoj belHa'moH qoj Suj ghu', 'ach vulqangan nur
> nISbe'lu'. chaq pujmo' T'Pel DawI' vulqangan qa' muchlaHbe'. Do'Ha'.
tlhIngan Hol jatlhlu'DI' chay' *swagger* mughlu'?
qu' DawI' 'e' noHchugh DawI', ghaH vIpar. qu' *Jolene Blalock* 'e' noHlaw'
*Blalock*. va!
(Hmm . . . vulqangan pong rur *Blalock*, qar'a'?)
> DaHjaj <<'anDorngan wanI'>> vIbej. 'anDorngan HotlhwI'Du'Hey
> vIparHa'. pup. nIb 'anDornganpu' ngo' 'anDornganpu' chu', 'ach
> Dub. majQa'. mIghbe' 'anDornganpu'. yIqaw: 'anDorngan ghaHbe'
'anDorngan
> chotwI' muchbogh Hov leng wa'DIch. 'anDorngan ngeb ghaH.
'anDornganpu'vam
> vIHarlaH. vItIv. pIH, QeH, loQ Soy'.
'a <Babel leng> bejlu'DI' 'anDornganna' leghlu'DI' je. Duy'a'. jatlh: ral
SeghwIj, 'a maHvaD qay'be' *Kirk* HoD.
> 'ach vulqanganpu' vIHarlaHbe' jay'! Segh vuvqangbe'chugh, qoj
> Qulqangbe'chugh chenmoHwI'pu', vaj lulo'be'nIS. mu' vIHutlh ... chaq qech
> DellaH <wIch Sov>. Sov Hutlh vulqanganpu'vetlh. chIrgh Hubqangbe', 'ach
> pu' nobmo' HoD, pay' HubqangchoH. vIbejtaHvIS vulqangan ngeb chaH 'e'
> vIpIH jay'. puqpu' rur *Kolinahri*. lut DoghvaD Segh potlh lughong
> chenmoHwI'pu'.
>
> Qoch'a' vay'? yIngach.
jIQochbe'. lutmey chu' qon lut chenmoHwI'pu' 'e' nabbe'ba'. mung lutmey
neH qonqang.
SuStel
Stardate 1841.8