tlhIngan-Hol Archive: Tue Mar 20 12:18:31 2001

Back to archive top level

To this year's listing



[Date Prev][Date Next][Thread Prev][Thread Next]

re: be'nalwI' vav rop'a': DaH Saja'laH



> From: Alan Anderson <[email protected]>
> Date: Tue, 20 Mar 2001 01:06:28 -0500
>
> -------------------------------------------------------------------------
>
> vagh wen ropHom SIQlaw'lI' be'nalwI' vav.  ghaH nuD Qel.  'oy' meq Sambe'.
> loS wen nuDqa'.  Seng'a' nubchoH Qel.  nuDnISqa' 'e' wuq.  ghIQ be'nalwI'
> vav SoS je 'e' lunabmo', mIm.  wej wen vav lunuDchu' Qelpu' 'ej rop'a'
> Sam: Hugh "cancer" ghaj.

Do'Ha'.

> qarchu'be' <Hugh>.  Hugh 'och Hur Dan "tumor".  tlhoS burgh Hot.  Do' nom
> Seng'a'vam tu'pu' Qel.  vagh wen vav 'oy'moHlaw'pu' SengHom pIm.  meq
> nejtaHvIS bong "tumor" legh.

jImujpu'. Do'ba'.

> "cancer" buSHa'lu'chugh, pIvqu' ghaH.

Suvna' HoHlaH wa' qIvon puj. qen jIpIvchu' 'e' vIHar 'ach mutob Qel. 'Iq 
'IwwIj tlhagh. ghu'vam vIchoHbe'chugh chaq 'Iw yap Hutlh tIqwIj 'ej pay' 
jIHegh. jIchoH'eghlI'bej. Do'jaj be'nallI' vav.

> vaj Hergh HoSghajqu' cherghlaH 'e'
> wuq Qel.  'aDDajDaq taS SuQ Qaylu'.  motlh Hoch jaj qaStaHvIS cha' rep QIt
> Herghvam SuQ noblu', tlhetlhtaHvIS cha' Hogh.  'ach porgh HoS ghaj ghaH
> 'ej vaQlaH vorwI'.  cha' wen qaStaHvIS wej jaj Hergh tlhoQ SuqtaH.  wa'
> wen mIw nIb SIQqa'.  "tumor" machmoH mIw 'ej "cancer cells" tlhab HoH 'e'
> Hech Qel. tugh nachDajvo' pumchoH jIbDaj; nom loj 'ej chIm nach yor.

HoSghajba' Herghvam.

> (<Hab vavlI' nach> vIQub 'ach be'nalwI'vaD vIjatlhQo'.)

batlh bIvang. puqloD QaQ SoH.

> wa'maH cha' Hu' be'nalwI' vav Haqlu'.  machchoHpu' "tumor" 'ej yon HaqwI'.
> bID 'uj Hugh 'ochDaj teq.  loQ roplaw' 'op "lymph nodes" Sum.  bIH chovmeH
> teq je.  burghDaj pepqu'; DaH lungDu'Daj joj DungDaq 'oHtaH.  ropbe'qu'
> "lymph nodes"; bIHDaq SaHbe' "cancer".

maj.

> qaStaHvIS chorgh jaj ropyaHDaq ghaH rachlu'.  burghDaq Soj qeng chach
> 'och. SoplaHbe'.  pIvqa'taHvIS tlhutlh net tuch.  chaw'lu'pa'
> tlhutlhchugh, chaq nIj HughDaj.  jatDajDaq "sponge" yIQ lanlaH 'ach ghup
> net tungchu'.  jav Hu' tlhutlhqa'.  nIjbe' Hugh.  loQ Sojqa'.

SIQchu' loDvam yoH.

> loS Hu' juHDaq chegh.  DaHjaj ghaH puj law' cha' wen ghaH puj puS 'ach
> pIvlaw'.  nay' mach SoplaH.  HurDaq yItlaH.  cha' Hu' wISuch 'ej pov
> wItIv. motlhchoHlaw'pu' nachDaj boch.

ghaytan choH ghu'vam.

> (Qatlh je be'nalwI' SoS ghu'.  QuchmeH Hergh lo'lI'.)

jIQuch'eghmoH 'e' vImaS. jImI' 'ej Hurgh vIwuvnISbe'.

> ghaH vorpu''a'?  maloSlaH neH.

latlh vanglaHbe' vay'.

> -- ghunchu'wI' 'utlh


SarrIS


Back to archive top level