tlhIngan-Hol Archive: Thu Mar 08 09:47:39 2001

Back to archive top level

To this year's listing



[Date Prev][Date Next][Thread Prev][Thread Next]

jarmey vItoghlI' -- lengmeH chaw' vIDIlnIS



SuH vagh waQ tagh qep'a' chorghDIch.

Europe-Daq jIlengmeH, mungu'chu'bogh nav vIqengnIS.  USA rewbe' jIH 
'e' 'angchu'nIS navvam.  cha'maH cha' ben Peru Dab be'nalwI'; ghugh 
lengmeH chaw' ghaj 'ach DaH notlh chaw'Daj ngo'.  vaj lengmeH chaw' 
chu' SuqnIS ghaH, 'ej chaw'maj wa'DIch DIpoQ puqloDwI' jIH je.

waghbej chaw'meyvam jay'!  Huch law' vInobnIS.  waghqu' leng.  wagh
lengmeH chaw'.  wej ghot maHmo' loQ wagh mebpa'.  waghbe' qep'a''e'
neH.  (wagh'a' Soj?  wej vISov.)  'ach Holmaj vISaHmo' qep'a'Daq 
jISaHnISba'.  juppu' vIparHa'bogh vIghomqa' 'e' vItul.  juppu'
vISovbe'bogh vIqIH 'e' vItul.  po'choHmeH latlhpu' vIpIlmoHlaH 'e'
vItul.  leng lulo'laHmoHbej wanI'meyvam.

-- ghunchu'wI' 'utlh



Back to archive top level