tlhIngan-Hol Archive: Tue Jul 03 16:48:05 2001
[Date Prev][Date Next][Thread Prev][Thread Next]
HIvqa' parmaq
- From: Will Martin <[email protected]>
- Subject: HIvqa' parmaq
- Date: Tue, 03 Jul 2001 16:47:10 -0400
tugh *Belgium*Daq qep'a' chorghDIchvaD maghom. jIqeqnISba', 'ach jIqeqbe'.
tlhIngan Hol, *France*ngan Hol, *Flanders*ngan Hol je vIHaDpu' 'e' vIHech,
'ach wej jIHaDchoH.
wa'ben tera' jar cha' QoQ Qu' chu' vItagh. QoQ jan vIghojchoH. loS tlhegh
ghaj janvam 'ej vIchu'meH woSwIj bIngDaq vIlan. mach. qaStaHvIS wej Hogh
jIqeqbe'.
qatlh QoQ Hol je vIqeqbe'? wa'maH SochHu' latlh Qu' vItu'pu'. be' ghaH
Qu'vam'e'.
mamI'chu'. maja'chuqchu'. muDuQchu'. pIj maQaHchuq. tlhIngan Hol ghojnIS
ghaH wej 'e' vIponlaH 'ach jInIDqa'. qep'a' chorghDIchDaq Dachbej.
reH bangwI' vIbuS. nIteb jIvemchoHDI' bangwI' vIqel. Ho'Du'wIj
vISay'moHDI', bangwI' vIqel. jInabDI' reH bangwI' vISuchmeH wanI' veb
vInabta' ghIq Hoch latlh vInabchoH.
be'vamvo' boghpu' cha' puq. cha'maH loSben boghpu' puqloDDaj. wa'maH
cha'ben boghpu' puqbe'Daj. Sum vavchaj juH. Sochben chenHa' vav SoS
tlhoghHey. QaH vav 'ach roD Dach.
puqbe' vIleghpu' 'ach maja'chuqpu'be' vaj DaHjaj ram vIqIH. jupwI'
mojnISba'. ghaytan qay'be'. qay'be'meH jIvumqangchu'.
reH choHtaH Hoch yIn. DaH choHbej yInwIj.
charghwI' 'utlh