tlhIngan-Hol Archive: Mon Feb 19 18:59:58 2001

Back to archive top level

To this year's listing

• Index by Date
• Index by Thread
• Index by Author

He chIllu'bogh (was Re: Language Camp)

• From: Alan Anderson <[email protected]>
• Subject: He chIllu'bogh (was Re: Language Camp)
• Date: Mon, 19 Feb 2001 21:55:38 -0500
• In-Reply-To: <[email protected]>

ja' Qov:
>Dat yItchugh vay', rarchuq Hoch Daqmey Sovbogh nuv.  no'ma'vaD yabDaq
>rarchuq Hoch Daqmey.  'ach HIjlu'pu'DI' vay'  He chIllu'.  yabwIjDaq
>mebqachvetlh vIqaw, yotlhvetlh vIqaw,  'ach Daqvetlh SIchmeH mIw vISovbe'.

qach 'emDaq yotlh tu'lu' neH.  tIqbe'chu' leng.  mayItchoH.  Daq Hurgh
wISam 'ej tIDaq maba'.  loQ yIQmo' tI, yavDaq ba'qangbe' trI'Qal.  ghaHvaD
paq qengwI'wIj vInoj.  'oHDaq ba'.  ghom vIja' jIDachtaHmo' chaq bIt
qorDu'wI'.  qechvetlhmo' cha' Qov mu' vIghoj:  <quch> <voHDajbo'> je.
(mu'ghomwIj mach ghItlhHa'lu'; <*boHDajbo'> tu'lu'.  tugh vIlughmoHta'.)

wanI' vIqawchu'taH.

>qaStaHvIS qep'a' pa' jIHtaH, rInDI' qep'a', loj.  Huj.  yaj'a'?

jIyajlaw'.  motlh yabDaq Sov pollu', 'ach rut qo'Daq ratlh De'.  yaHwIjDaq
Sumchugh qeqpa', qeqpa' Daq vIleghlaH 'ej vIqawnISbe'.  yaHwIjDaq
jIvumtaHvIS, He vIleghlaHmo' vIDellaH.  juHwIjDaq jIleStaHvIS, He
vIqawbe'laH.

roD jImI'be', 'ach rut jIruch.  jImI'taHvIS porghwIj luSeH Somraw'wIj.
jImI'be'taHchugh, mI'meH mIw vISovbe'law'.  mI'meH mIw ghoj latlh 'e'
vIQaHlaHbe'chu'.

'ach Huvlaw' qep'a' qawHaqwIj'e'.

-- ghunchu'wI' 'utlh

• References:
  • Re: Language Camp
    • From: Qov <[email protected]>

• Prev by Date: Hol lo'laHbe' (was Re: Gary & Mike)
• Next by Date: bang jaj
• Prev by thread: Re: Language Camp
• Next by thread: qep'a' chorghDIch
• Index(es):
  • Date
  • Thread
  • Author

Back to archive top level