tlhIngan-Hol Archive: Thu Feb 15 13:29:18 2001
[Date Prev][Date Next][Thread Prev][Thread Next]
Re: vay' vIHoH vIneH. KLBC
lavmeywIj DamachmoH DaneH'a'?
----- Original Message -----
From: "William H. Martin" <[email protected]>
To: <[email protected]>
Sent: Monday, February 12, 2001 11:31 AM
Subject: Re: vay' vIHoH vIneH.
> --On Sunday, February 11, 2001 11:37 PM -0500 Alan Anderson
> <[email protected]> wrote:
>
> > ja' SarrIS:
> >> vay' vIHoH vIneH. 'Iv? jISaHbe'. jImogh neH.
> >
> > bImoghtaHmo' jIQoS. nuq vIjatlhlaH?
> > bIrambe'bej 'e' yISov; qeSvetlh neH vInoblaH.
>
> qay'be'. lav vIHoHchu'. DotlhwIj vIDub. jIQuchqa'.
>
> > ghu'lIj rurbogh ghu''e' not vISIQpu'mo' jIDo'law'.
> > Do'Ha' jIDo'mo' 'oy'HeylIj vIyajlaHbe'.
>
> ghu'vam vImaSbej. 'oy'wIj'e' vIghaj jIH neH. vISuv. vIchargh. 'oy'wIj
DaSuq
> qatlh vIneHnIS? yIyajHa'. jISaHbe'. yIQuchtaH.
>
> >> ...chaq ngem HopDaq lav vIHoHlaH 'ej vIqopbe'lu'.
> >
> > lav DaHoHchugh, DI neH DalIng.
>
> qar... 'ach vIlIngtaHvIS jImonchu' 'ej jIHagh. rut ngoQna' 'oHbe'
> ngoQHey'e'.
>
> > qul nIn DapoQ'a'? chaq Sor'e' Dape'laH.
>
> DaH jIvItchoH. lav vIHoHbe'. lav vIHoH 'e' vInaj neH. vInajDI' loQ
> jIQuchchoH. ghIq *naQvIl* *tenneSSIy'* vISuch 'ej qaStaHvIS cha' jaj
> jImI'chu'taH. 'ey muchwI'pu'. muSaymoHta'. 'ey mI'wI'pu' ra'wI'. Dajchu'
> mIwmeyDaj. 'ej mI'wI'pu'... vItIvchu'! jIQuchmo' jIHagh 'ej
> jIjachqa'chu'taH... vaj DaHjaj tlhoS jIjatlhlaHbe'. ngab ghoghwIj.
>
> > Sor DaQaw'taHvIS, nIn lI' DachenmoH. vaj batlh Hegh Sor.
>
> qechlIj vItIvchu' 'ach jIloSnIS. 'oy'qu' DeSDu'wIj 'uSDu'wIj DubwIj je 'ej
> latlh Qu' vItoy'nIS.
>
> > -- ghunchu'wI' 'utlh
>
> SarrIS
>