tlhIngan-Hol Archive: Fri Aug 31 13:29:58 2001
[Date Prev][Date Next][Thread Prev][Thread Next]
ghob (was RE: Sayu')
- From: Andrew <[email protected]>
- Subject: ghob (was RE: Sayu')
- Date: Fri, 31 Aug 2001 13:32:37 -0400 (EDT)
batlh ghItlhta' DloraH quv:
>qejwI' Hutlhchugh 'u', qejHa'wI' tu'laHbe' 'u'.
>mIghlu'be'chugh taHlaHbe' ghob.
>*So'vo'qor tu'lu'meH ghe''or tu'nISlu'.
Sarqu'ba' tlhInganpu', 'ej Sarqu' nugh lupupmoHmeH potlhmeychaj. tera'Daq
mIghHa'ghach 'oH pupmeH potlh'e'. ben 'e' ghojmoH je lalDan Qat. wejpuH, 'a
potlhvam luSIchbe'mo' HochHom tera'ngan, pIj luqelnIS, jawtaHvIS chaH 'ej
raDchuqtaHvIS. pImHa'bej tlhIngan nuv ghom, qar'a'? pIj batlh luqelnISmo',
ghaytan luSIch nuvvetlh puSqu' neH. pupbe' chaH, 'ach HochHey mIw SIghba'
batlh. batlhmo' QaplaHchu' nughvetlh. vaj qejHa'law' 'op, chaw'chugh nugh
pagh tungbe'chugh, 'ach chaq lI'be' mIwvetlh. jISIvpu' neH.
puj qejHa'wI' rut net Har. 'a Qan'eghlaw'meH qejtaH pujwI'pu'na', 'oy'
luHajlI'mo'. jaS qejHa'taHchugh vay', HoS jupbatlhDaj, vaj net tu'bej. toH,
Sarqu'ba' je batlhmey. qoHbatlh'e' SIQlu' je.
--ghuy'Do