tlhIngan-Hol Archive: Fri Apr 20 08:02:00 2001
[Date Prev][Date Next][Thread Prev][Thread Next]
Re: Reply to SarrIS
[ghomDaq XardanaDaq je jabbI'IDvam vIlI']
[email protected] writes:
>You need not censor me for using English only in this message.
lugh'a' "censor"? SoQlIj nISlu'be'. mu'meylIj botlu'be'. tlhIngan
Hol Dalo'Qo'chugh, qapIchbej; chaq "censure" DaghItlhHa'.
>I joined this list to practice Klingon.
vaj yIruch! tlhIngan Hol lo'bejpu' DuQay'moHpu'bogh QInwIj. bIqeqmeH
bImuvchugh, qatlh bIjangtaHvIS bIqeqbe'? 'eb DabuSHa'chu'.
>Now I am leaving it because of people like ghunchu'wI'.
batlh tlhIngan Hol vIHub. peHruS DaSovbe''a'? peHruS Hol chenmoH pIj
'e' nIDlaw' ghaH. pab yajHa'chugh neH, ghaHvaD neH qay'. 'ach pIj
pab QIjHa'chu' ghaH, 'ej HochvaD Seng ta'qoqvam. chIch mu'tay' lo'Ha'
peHruS 'e' nIDqangba'mo' jIqej. mu'mey DIghajqu'bogh lo'laHbe'chugh
vay', mu'mey chu' poQlaH 'e' bajbe'.
DunuQchugh ghu', yImejQo' neH. yIjeghQo'. yIDub. yIvang.
>Shame on KLI!
nuqjatlh? yejHaD jIHbe'. nuv jIH neH. muquvmoHpu' KLI, 'ej matlh
jupna' jIH, 'ach qechmeywIj SeHbe' KLI. KLI qechmey vISeHbe' je. vay'
DapIch DaneHchugh, jIH HIpIch. (pIch ghaH latlh 'e' vIHarbej jIH, vaj
jIHub'eghrupba'.)
jItuHbe'taH. ghochwIj vIwIvta'. HewIj vIwIvta'. DujwIj vIvoqtaH.
>If peHruS wrote lots of words on papers and MO requested to see them, why
>should anyone blast him?
qachuHta' 'e' vInID. jIQapHa'law'pu'. jIQIjnISqa''a'?
>We all have been waiting for anything MO gives us, right?
qarbe'. yap Hol vISovbogh. pujchugh 'ay', puj. jIvIngbe'. De' chu'
vIloSbe' jIH. De' vIghajbogh vIlo'. latlh vISuqchugh, 'oH vIlo'choH
je, 'ach vISuqpa' vIboHbe'.
>Do you all refrain from talking with MO when he attends conferences
>just to avoid possibly influencing what he might provide? I bet not.
bISuDDI' loQ bIluj. ja'chuqtaHvIS ghaH latlh je, Hojbej Holvam SaHbogh
HochHom. ghaH wIyu'bej, 'ach wISIghbe'meH wIyepchu'. chenbe'pu'bogh
Hol qechmey wIbuSHa'. poQmeH DIb bajnISlu'.
>Next message will be to unsubscribe from this not-so-Klingon list.
Do'Ha'. chaq bIbepmeH tlhIngan Hol'e' Dalo'ta'chugh, jaS bIQubtaH.
-- ghunchu'wI'