tlhIngan-Hol Archive: Thu Apr 05 23:43:38 2001

Back to archive top level

To this year's listing



[Date Prev][Date Next][Thread Prev][Thread Next]

chegh 'arqanpu'



ja' Qov:
>wa':
>Qol HoD, Qel, yaS wa'DIch, wej Hung yaSpu' je.  tam veng.  jot nganpu'.
>pay' maw'choH nganpu'.  yupma'!  yupma' jach.  HIvchuq, qachmey meQmoH.
>juHDaq So''egh Saqghom. nganpu' SeHchu' De'wI'.  *Landru* 'oH De'wI'
>pong'e'.   chay' ghu' choHmoH HoD?

Qov qaD lajQo''a' Hoch?  vaj jIjang jIH.

SeHmo' De'wI', nugh porgh 'oH roghvaH'e'.  ram Hoch nuv.  rop Da
SeH'eghbogh nuv.  ("Borg" rur nughqoqvam, qar'a'?)  roj'a' leH De'wI' tIQ
'ach tlhetlhbe'chu' nugh.  Sablaw'pu' cham.  lo''eghchu' Hoch nuv 'e'
chaw'be' De'wI'.  vaj QabtaH ghu' 'ej roghvaH tlhabnISmoH De'wI' mIgh.
tagha' De'wI' pon HoD.  HoH'egh De'wI'.  Dej roj'a' 'ach yInqa'taH nugh.

va, chut wa' bIv HoD.  QIpba' chutvetlh.

-- ghunchu'wI' 'utlh




Back to archive top level