tlhIngan-Hol Archive: Sun Sep 17 00:36:50 2000
[Date Prev][Date Next][Thread Prev][Thread Next]
qo' chevlu'bogh
Although no one has commented on my translation of World's Apart, I will
continue. Perhaps someone will have a different way of saying something than
what I post here. Please tell me what you think.
2)
DISmey law' ret tera'Daq loD ghaH *leQ'e'. *qara tu' 'ej Saw'. ngugh Qup
leQ. <<jIQuptaH>> 'e' Qub. mo'vammo' qay'be'. ghIq Qu'Daj chIl. nI'taHvIS
poH, Qu' chu' SamlaHbe'. Qu' nejtaHbe' leQ 'e' chup qara. Huch bajmeH
lutmey qon ghaH 'e' chavchugh ghaH, vaj Quchqa', qar'a'? Huch yap baj qara
'e' QIj qara. qontaHvIS leQ, Huch bajba'. QaQtaH chaH 'e' Har qara.
vaj Qu' veb nej leQ 'e' mev. lutmey qonchoH. lut wa'DIch lut cha'DIch je
ngev. lutmey nIv bIH 'e' maq qara.
taghDI' yInchaj poHvam, Quch chaH. juHDaq ratlh leQ 'ej lutmey qonmeH ghaH,
Hoch tupDaj lo'mo' ghaH, wanI' tIv leQ. qara Qu' tIv je qara. logh Hubbeq
wa' ghot ghaH. vumchu'mo' qara, tugh bu' moj. ghIq 'o'rIn qIb Hov javDaq
vumchoH ghaH 'e' ra' mochDaj.
vaj Hov jav luDabchoH qara leQ je. qaSpu' wa' DIS. Hov javDaq vum qara, 'ej
tugh logh Hubbeq HoD moj qara.
leQ DuQlu'. QeH. qaramo' QeH. yabDajDaq ghel, jatlh <<qatlh qaramo'
jIQeH?>>
Sovbe' leQ. 'oy'vam DoHmoH 'e' nID. 'ach qIllaHchu'be'. QeHmo', tlhoS vay'
mupnIS leQ.
DaH pa' 'el qara. Hurghbe' jIbDaj 'ej chal lurur mInDu'Daj. loQ qara jen
law' leQ jen puS. jatlh leQ loQ 'e' tIv leQ, 'ach qaravaD Dajchugh wanI',
vaj reH jatlh qara 'e' tIv qara.
pa' Dop pIm ghoSchoH qara. 'ach De'wI' HaSta jabbI'ID leghDI', mev.
jabbI'ID laD.
laDpu'DI', jatlh <<leQoy. Do'Ha'. lutvam Dangev DaneH 'e' vISovbej.>>
jatlh leQ <<potlhbe'.>> 'ach potlh 'e' Sov leQ. ghaHvaD potlhchu'.
=============
wej rIn
peHruS