tlhIngan-Hol Archive: Thu Oct 26 22:58:08 2000
[Date Prev][Date Next][Thread Prev][Thread Next]
chevbogh qo'mey
'ay' wa' (labqa')
qaravaD Degh
De'wI' tlhopDaq Qam loD. HaStaDaq jabbI'ID 'anglu'bogh laD. 'ejDo'
vengvo' ghaHvaD jabbI'ID 'oH.
leQ QonHay' tuq:
lutlIj wIlaDmeH DaHIjmo' majangneS. lut Seghvam wIlo'laHbe'. vaj
SoHvaD wIHIjHa'. ------'ejDo' veng paqmey lIngwI'pu'
laDtaHvIS loD, SIbI' Doy'law' qabDaj. laDpu'DI', De'wI'vo' raSDaj
ghoSmeH yIt. ghIq ba', ghopDu'DajDaq nachDaj 'uch, 'ej mInDu'Daj SoQmoH.
yabDajDaq jabbI'ID mu'mey laDpu'bogh ghaH leghtaH ghaH.
nachDaj pep leQ. mInDu' poSmoH. ghaHvaD lutDaj HIjlu'pu'mo', DaH chay'
ruch. SIv ghaH. lIngwI' pImvaD HIj'a'? vagh lIngwI'pu'vaD HIjpu'. 'ej
ghaHvaD luHIjHa' Hoch. lutDaj je' 'ej lIng pagh neH paghna'.
qonwI' Leo P Kelley
mughwI' peHruS